7,9 mlrd teńge shyǵyn kelgen
Sybaılas jemqorlyqqa qarsy is-qımyl agenttiginiń negizgi baǵyttarynyń biri retinde Jemqorlyq táýekelderiniń kartasy qoldanylady. Bul týraly Agenttik Tóraǵasy Asqat Jumaǵalı 6 aıdyń qorytyndysy boıynsha alqa otyrysynda aıtty, dep habarlaıdy Almaty-akshamy.kz.
Antıkor kartany iske asyrý kezinde jemqorlyq táýekelderine bilim berý salasynda syrtqy taldaýlar júrgizilgenin málimdedi. Vedomstvo basshysy atap ótkendeı, Antıkor úshin jemqorlyq kórinisterin joıýda negizgi aldyn alý quraldaryn paıdalaný basymdyqqa ıe.
«Biz úshin «adam ortalyqtylyǵy» qaǵıdaty basymdyqqa ıe. Memlekettik organdar azamattardyń ómirin jaqsartýǵa basa nazar aýdarýy tıis. Osyǵan súıene otyryp, Agenttik jumystaǵy tásilderdi túbegeıli qaıta qarady. Jemqorlyq táýekelderiniń kartalary basty baǵdar boldy», - dep atap ótti Asqat Jumaǵalı.
Bilim berý salasynda aýqymdy jemqorlyqqa jaǵdaı jasaıtyn júıeli problemalar belgilengen. Agenttiktiń ıntegrasıalanǵan taldaýdy paıdalanýy jemqorlyq sqemalaryn ishinen egjeı-tegjeıli zerdeleýge múmkindik berdi. Sonyń arqasynda búkil respýblıka boıynsha jemqorlyq táýekelderin syrtqy taldaý sheńberinde bilim berý salasyndaǵy tutas qylmystyq sqemalar ashyldy.
Almaty, Shymkent jáne Taldyqorǵan qalalarynyń, Qyzylorda jáne Aqtóbe oblystarynyń bilim berý salasyndaǵy laýazymdy tulǵalaryna qatysty qylmystyq ister tergelip jatyr. Osylaısha, mektep dırektorlary men býhgalterleri býhgalterlik esep júıelerin qazynashylyqpen jáne basqa málimetter bazasymen ıntegrasıalaýdyń joqtyǵyn paıdalanyp, búdjet qarajatyn jymqyrǵan.
Bul bilim bólimderiniń basshylary men memlekettik aýdıtorlardy qamtý kezinde boldy. Búginde elimiz boıynsha aldyn ala 7,9 mlrd teńgeshyǵynmen bilim berý salasynda 102 qylmystyq is tirkelgen. Jalpy, taldaý nátıjelerimen ártúrli salalarda jemqorlyq táýekelderin joıý boıynsha 1 100-den astam usynym ázirlendi. Búginde olardyń 33%-ynmemlekettik organdar oryndaǵan.