Qańtar aıynda Elektrondyq eńbek bırjasynda jumys berýshiler men izdenýshilerdiń belsendiligi ártúrli boldy: eger bos oryndar sany ótken jyldyń jeltoqsan aıymen salystyrǵanda 5,2%-ǵa qysqaryp, 98,9 myń birlikti qurasa, al túıindemeler sany 2,5 ese, ıaǵnı 191,9 myń birlikke deıin ulǵaıdy.
Eń kóp bos jumys oryndardy bilim berý (36,8 myń), basqa da qyzmet túrleri (11,5 myń) jáne densaýlyq saqtaý (11,1 myń) kásiporyndary ornalastyrdy, dep habarlaıdy aqshamnews.kz.
Bul rette qańtar aıynda joǵary bilikti kadrlarǵa suranys kúrt ósti – jumys berýshiler jeltoqsanǵa qaraǵanda 16 myń bos orynǵa (+70%) kóbirek ornalastyrdy. Biliktiligi joq jumysshylardyń eńbegine suranys 45,7 myńnan 18,8 myń bos orynǵa deıinqysqaryp, eki eseden astam tómendedi.
Sonymen qatar usynys tarapynan túıindeme sanynyń ósýin barlyq biliktilik toptary kórsetedi, al biliktiligi joq jumysshylar jeltoqsanǵa qaraǵanda 60,4 myń túıindemeni (+338%) kóbirek ornalastyrdy.
Jeltoqsan aıymen salystyrǵanda bos jumys oryndarynyń oń saldosy 11 óńirde baıqalady. Jumyskerlerge suranystyń eń kóp ósýi Shymkent qalasynda (2,6 myń bos orynǵa nemese +86%), Aqmola (1,5 myńǵa nemese +50%) jáne Batys Qazaqstan (1,5 myńǵa nemese +46%) oblystarynda tirkeldi. Suranystyń eń kóp tómendeýi Túrkistan (11,2 myń bos orynǵa nemese -63%), Aqtóbe (-2,3 myń, nemese -36%) jáne Jambyl (-1,7 myń, nemese -30%) oblystarynda boldy.
Qańtar aıyndaǵy eńbek naryǵyndaǵy usynystardyń ósýi nátıjesinde eldiń barlyq derlik aımaqtarynda túıindeme profısıti qalyptasty. Ol Túrkistan (6,5 myń bos jumys orny jáne 25 myń túıindeme), Qyzylorda (2,3 myń bos jumys orny jáne 14,3 myń túıindeme), Jambyl (4 myń bos jumys orny jáne 10,3 myń túıindeme) jáne Mańǵystaý (3,4 myń bos jumys orny jáne 12,7 myń túıindeme) oblystarynda erekshe baıqaldy.
Bilikti qyzmetkerler arasynda tárbıeshiler (2,1 myń bos jumys orny), avtomobıl júrgizýshileri jáne matematıka muǵalimderi (1,9 myń bos jumys orny) suranysqa ıe boldy. Áleýmettik qyzmetker (+1,1 myń bos jumys orny) jáne bilim berýdegi áleýmettik pedagog (+625 bos jumys orny) sıaqty mamandyqtarǵa suranys artty.
Tapshy mamandar qataryn matematıka pániniń muǵalimderi tolyqtyrdy, olar jalpy 529 túıindeme ornalastyrdy, sondaı-aq áleýmettik pedagogtar (173 túıindeme) men mektep psıhologtary da (262 túıindememen 1 myń bos jumys orny) tapshy mamandar qatarynan kórindi.
Jumys berýshiler ortasha jalaqynyń eń joǵary mólsherin izdenýshiler arasynan óndirýshi ónerkásiptegi ýchaske bastyǵy (741 myń teńgeden bastap), avıasıadaǵy ınjener (~693 myń teńge) jáne bas qurylysshy (~605 myń teńge) laýazymdaryna usyndy, al júmys izdeýshiler arasynan eń joǵary jalaqyny óndirýshi ónerkásipte bólim bastyǵynyń orynbasary (orta eseppen 1,1 mln teńge), ushqysh (~1,1 mln teńge), sondaı-aq materıaldyq-óndiristik qundylyqtardy esepke alý bóliminiń basshysy (~1 mln teńge) laýazymyna úmitkerler surady.
Osylaısha, qańtar aıynda EEB-da bos oryndardyń azaıýy kezinde túıindemeler sanynyń aıtarlyqtaı ósýi baıqaldy. Bul jyl basynda jumys berýshiler jaldaý prosesin áli kúsheıtpegendikten bolýy múmkin, al kóptegen jumys izdeýshiler, kerisinshe, qańtardan bastap jańa jumys izdeı bastaıdy. Kóptegen mamandyqtar boıynsha túıindemeniń profısıtine qaramastan, keıbir laýazymdarda kadrlar tapshylyǵy boldy.