Shekteý merzimi 6 aı dep belgilengen.
Buıryq 2023 jylǵy 3 qarashadan bastap kúshine endi, dep habarlaıdy Almaty-akshamy.kz
QR Aýyl sharýashylyǵy mınıstriniń 2023 jylǵy 30 qazandaǵy buıryǵymen "Qazaqstan Respýblıkasynyń aýmaǵyna avtomobıl jáne temirjol kóligimen bıdaı ákelýge tyıym salýdy engizý týraly" 2023 jylǵy 25 qyrkúıektegi buıryǵyna ózgerister engizildi.
Atap aıtqanda, alty aı merzimge bıdaı ımportyna tyıym salynyp jatqany túsindirildi:
úshinshi elderden jáne Eýrazıalyq ekonomıkalyq odaq elderinen Qazaqstannyń aýmaǵyna avtomobıl kóligimen;
lısenzıasy bar elevatorlarǵa, astyq óńdeýshi kásiporyndarǵa, qus sharýashylyǵy kásiporyndaryna temir jol kóligimen bıdaıdy ákelýdi jáne bıdaıdy aýmaq arqyly tranzıtpen tasymaldaýdy qospaǵanda, Qazaqstannyń aýmaǵyna úshinshi elderden jáne Eýrazıalyq ekonomıkalyq odaq elderinen temir jol kóligimen.
Qazaqstanda 2023 jyldyń 26 qarashasynan bastap kómir eksportyna tyıym salý alty aıǵa uzartylatyny buǵan deıin habarlanǵan edi.