Shahmattan eki dúrkin álem chempıony Bıbisara Asaýbaeva FIDE áıelder arasyndaǵy álemdik shahmat reıtıńinde blıs sanatynda besinshi orynǵa kóterildi.
Halyqaralyq shahmat federasıasynyń jańartylǵan reıtıńi boıynsha 19 jastaǵy qazaqstandyq Bıbisara Asaýbaeva blıs kategorıasy boıynsha álemniń úzdik shahmatshylary tiziminde joǵarylady, dep habarlaıdy Almaty-akshamy.kz Egemen.kz-ke silteme jasap.
Ol 2461 upaı jınap, FIDE reıtıńiniń besinshi satysyna kóterildi. Sonymen qatar Bıbisara - blıs sanatyndaǵy álemniń eń myqty 20 shahmatshysynyń ishindegi eń jas shahmatshy.
Bıbisara Asaýbaevanyń bul kórsetkishi onyń álemdik shahmat arenasyndaǵy sońǵy jetistigimen baılanysty boldy. Ol eki jyl qatarynan blıs boıynsha álem chempıony atandy. 2023 jyly Nú-Delıde (Úndistan) ótken Gran-prıde B.Asaýbaeva úzdik úshtiktiń tiziminde boldy. Odan keıin Qazaqstan men álem quramalary arasyndaǵy kezdesýde Bıbisara tórt dúrkin álem chempıony, áıelder arasyndaǵy FIDE reıtıńiniń kóshbasshysy qytaılyq Hoý Ifandy eki ret utty.
20 sáýirde Sport jáne mádenıet mınıstri Asqat Oralov B.Asaýbaevaǵa Qazaqstan Respýblıkasynyń Eńbek sińirgen sport sheberi joǵary ataǵyn berdi. Ol bul ataqqa ıe bolǵan tuńǵysh qazaq shahmatshysy boldy.