Qazaqstandyq shahmatshy Almaty qalasynda ótken shahmattan álem chempıonatynda blıste óz ataǵyn qorǵap, eki dúrkin álem chempıony atanǵan bolatyn.
Ortalyq komýnıkasıalar alańynda ótken brıfıńte Bıbisara Asaýbaeva óziniń jarysqa daıyndyǵy týraly áńgimeler, jeńisten keıingi áserimen bólisti, dep habarlaıdy Almaty-akshamy.kz.
"Men álem chempıonatyna muqıat daıyndaldym. Maǵan úlken jaýapkershilik júgi artylǵanyn sezindim, óıtkeni ataqty jeńip alǵannan góri saqtap qalý álde qaıda qıynyraq. Bul joly úzdik ekenimdi dáleldeýim kerek edi", - dedi Bıbisara Asaýbaeva.
Bul rette sportshy áıelder arasynda ótetin mańyzdy týrnırler týraly aıtty. Onyń sózinshe, iri dodalar kóp.
"Onyń ishinde Úndistan men Polshada ótetin eki gran-prı serıasy, nokaýt júıesi boıynsha ótetin álem kýbogy, jyl saıyn ótkiziletin jyldam shahmat pen blısten álem chempıonaty jáne áıelder arasyndaǵy komandalyq álem chempıonaty bar. Osy jarystarda naǵyz myqtylar baq synasady", – dep atap ótti shahmatshy.