Qazaqtyń bulbuly, KSRO jáne Qazaqstannyń halyq ártisi, súıikti opera óneriniń sańlaǵy Bıbigúl Tólegenova barsha qazaqstandyqtardy Táýelsizdik merekesimen shyn júrekten quttyqtady. Ataqty ánshi halqyna aq tilegin arnap, elimizge beıbit ómir men jarqyn bolashaq tiledi.
– "Elimiz aman, jurtymyz tynysh bolǵaı! Memleketimizdiń Táýelsizdik kúnimen quttyqtaı otyryp, barshańyzǵa zor densaýlyq, uzaq ómir tileımin! Jaýǵan appaq qardaı kóńil tileımin. İshtegi, syrttaǵy jaýdan saqtasyn. Kelesi merekelerdi aman-esen qarsy alý buıyrsyn. Kele jatqan Jańa jyl da qutty bolsyn!" – dep júrekjardy tilegin jetkizdi halyq ártisi.
Búgingi aıtýly mereke qazaq halqy úshin erekshe kún ekeni sózsiz. Sonymen birge, bul kún Bıbigúl Ahmetqyzynyń 95 jasqa tolýymen de erekshe úılesip otyr. Súıikti óner qaıratkeriniń ǵumyr jasy uzaq bolsyn, halqymyzdyń mádenı murasynyń jarqyn beınesi bolyp qala bereri anyq!