Qazaqstannyń halyq ártisi, Memlekettik syılyqtyń laýreaty, Qazaqstannyń Eńbek Eri Asanáli Áshimuly Qazaq elin Táýelsizdik merekesimen quttyqtap, júrekjardy tilegin arnady.
«33 jyl degenińiz onsha kóp san emes, biraq mańyzy óte úlken. Elimiz eshkimge táýeldi bolmaı, derbes, úlken memleket bolǵanymyz – halyqtyń baqyty! Bizge osy Táýelsizdikti ustap turý – eń basty mindet. Sol úshin árqaısymyz óz ornymyzda aıanbaı eńbek etýimiz kerek», – deıdi akter.
Asanáli Áshimuly búgingi kúnniń basty qundylyqtaryn atap ótti:
«Qazirgi jaǵdaıda turmysymyz jaqsy, beıbit ómir súrip jatyrmyz. Endi árkim ózinen artylǵanyn ortaq iske, halyqtyń ıgiligine arnasa, úlken qorymyz tolyǵa túsedi. Bul – bizdiń bolashaqqa qosqan úlesimiz».
Ulttyń maqtanyshyna aınalǵan Asanáli Áshimuly el Táýelsizdigin saqtaý men nyǵaıtý jolynda birlik pen eńbek qajettigin erekshe atap ótti