Atalmysh fılm «Eń úzdik qysqametrajdy anımasıalyq fılm» júldesin aldy.
QR Mádenıet jáne sport mınıstrliginiń málimetinshe, "Besik jyry" qysqametrajdy anımasıalyq fılmi Ispanıa astanasy Madrıdte ótken bedeldi kınofestıvalde 1500 úmitkerdiń ishinde eń úzdigi retinde tanyldy, dep habarlaıdy Almaty-akshamy.kz
QR Mádenıet jáne sport mınıstrliginiń qoldaýymen jaryqqa shyqqan "Besik jyry" qysqametrajdy anımasıalyq fılmi "Eń úzdik qysqametrajdy anımasıalyq fılm" júldesin jeńip aldy.
"MADFA Madrid Film Awards – 2023 20-shy halyqaralyq baıqaýǵa 1500 anımasıalyq jumys úmitker retinde usynyldy", delingen QR Mádenıet jáne sport mınıstrliginiń aqparatynda.
R Mádenıet jáne sport mınıstri Asqat Oralov "Qazaqstandyq anımasıalyq fılmniń bedeldi halyqaralyq baıqaýdyń bas júldesin ıelengeni – otandyq anımasıa salasynyń oń baǵytta damyp kele jatqanynyń kórsetkishi dep sanaýǵa bolatynyn" atap ótti.
"Mádenıet jáne sport mınıstrligi 2030 jylǵa deıin jalpy prokattaǵy qazaqstandyq fılmderdiń, onyń ishinde anımasıalyq fılmderdiń úlesin 35%-ǵa deıin arttyrýdy josparlap otyr. Ol úshin jyl saıyn keminde 10 anımasıalyq joba jasalatyn bolady. Ótken jyly elimizde alǵash ret «Qazaqanımasıa» shyǵarmashylyq birlestigi quryldy. Atalǵan uıym otandyq anımasıa mamandarynyń sheberligin shyńdap, anımasıalyq jobalardy shyǵarýǵa qoldaý kórsetedi", - dedi QR Mádenıet jáne sport mınıstri Asqat Oralov.
Madrıd kınojúldesi MADFA (MFA) IMDb resmı konkýrsyna kiredi. Festıvál jyl saıyn óz alańynda álemniń eń úzdik týyndylary men talantty rejıserlerdiń basyn qosady.