Almaty qalasynyń basshylyǵy Almaly aýdanynyń jol-kólik ınfraqurylymyn odan ári damytý máselesine erekshe kóńil bólip keledi. Bul týraly búgin E.Dosaevtyń aýdan turǵyndarymen kezdesýinde belgili boldy, dep habarlaıdy Almaty-akshamy.kz.
- Osy jyldyń maýsym aıynyń basynan bastap aýdandyq mańyzy bar 11 kóshege jáne jalpy uzyndyǵy 25 shaqyrym bolatyn 5 magıstraldy kóshege ortasha jóndeý jumystaryn bastaımyz. Bul maqsattarǵa jergilikti búdjetten 4,3 mlrd. teńge bólindi. Desentralızasıa aıasynda bıyl aýdan ákimdikteri joldarǵa aǵymdaǵy jóndeý jumystaryn júrgize bastaıdy. Bul úshin Almaly aýdanyna 500 mln teńge bólindi, shara 46 myń m2 jol tósemin jóndeýge múmkindik beredi, - dedi Almaty qalasynyń ákimi E.Dosaev
Osy jyldyń maýsym aıynda ákimdik Baıtursynov pen Dosmuhamedov kósheleriniń arasyndaǵy Áıteke bı kóshesiniń boıyna trotýar ornata otyryp, joldy uzartýdy bastaýdy josparlap otyr.