Qarjylandyrý kóleminiń artýy ákimdikterge jańa ókilettilik berý aıasynda barlyq aýdanda iske asty.
Almaly aýdanynyń búdjeti 9-dan 18,8 mlrd teńgege deıin ósti. Bul týraly Almaty ákimi Erbolat Dosaev aýdan turǵyndarymen kezdesýde aıtty, dep habarlaıdy Almaty-akshamy.kz.
1 sáýirden bastap júrgizilip jatqan desentralızasıa aıasynda aýdan ákimdigine 15 fýnksıany berýmen birge búdjet te ulǵaıǵan.
«Mundaı ózgerister qalanyń barlyq aýdandaryna oń áser etetinine jáne aýdan ákimderine almatylyqtardyń ómir súrý sapasyn jaqsartýǵa qosymsha septigin tıgizedi dep oılaımyn», - dedi ákim.