QR Tótenshe jaǵdaılar mınıstri Iýrıı Ilın Shahtınsk qalasyndaǵy Lenın atyndaǵy shahtada bes kenshiniń ómirin qıǵan apattyń sebebin aıtty, dep habarlaıdy Almaty-akshamy.kz QazAqparatqa silteme jasap.
«3 qarashada Lenın atyndaǵy shahtada bolǵan apat buryn burǵylanǵan drenajdyq uńǵymalardan gaz ben kómir shańynyń kóp mólsheriniń shyǵýyna baılanysty kenetten gazdınamıkalyq qubylys nátıjesinde paıda boldy. Negizgi sebep – metannyń shańmen shyǵarylýynyń kóp mólsheri jáne №79 pıket aımaǵyndaǵy burǵylaý stanogyndaǵy burǵylaý shtangasynyń metal bekitkishterdiń elementterine úıkelýi saldarynan ushqyn paıda bolyp, jarylys oryn alǵan», - dedi mınıstr.
Sondaı-aq, Iýrıı Ilın birqatar buzýshylyqtar anyqtalǵanyn, onyń ishinde ınjenerlik-tehnıkalyq personal tarapynan tıisti baqylaýdyń joqtyǵy saldarynan jumys óndirisiniń qanaǵattanarlyqsyz uıymdastyrylǵanyn atap ótti.
Qazirgi ýaqytta Lenın shahtasynyń 26 qyzmetkeri, onyń ishinde basshylyq laýazymdardy atqaratyn eki sheteldik azamat shahtadaǵy apatqa jaýapty bolyp anyqtaldy.
Esterińizge sala keteıik, 3 qarashada túngi saǵat 3.03-te «ArselorMıttal Temirtaý» AQ Kómir departamentiniń Lenın atyndaǵy shahtasynda metan gazy jarylǵan. Apat kezinde shahtada, jer astynda 106 adam bolǵan. 101 adam evakýasıalandy, bes adam qaıtys boldy, tórt adam aýrýhanaǵa jatqyzyldy.