Densaýlyq saqtaý basqarmasynyń habarlaýynsha, 5 adam zardap shekti.
Jezqazǵanda 5 jasar bala ótip bara jatqan 5 adamdy kólikpen qaǵyp ketti, dep almaty-akshamy.kz qumash_kz paraqshasyna silteme jasap habarlaıdy.
Oqıǵa «Grand Palas» restorannyń janynda bolǵan kórinedi. Kólik tizginine otyrǵan 5 jasar bala kólikti qol tejegishinen alyp tastaǵan. Saldarynan kólik artqa júrip ketip, 5 jaıaý júrginshini qaǵyp ketken.
«Atalǵan fakti polısıada tirkeldi. JKO saldarynan kóz jumǵandar joq. Osyǵan qaramastan, túrli dene jaraqattaryn alǵan 4 jaıaý júrginshi aýrýhanaǵa jatqyzyldy. Tıisti saraptamalar taǵaıyndaldy», - dep málimdedi Ulytaý oblystyq PD baspasóz qyzmetinen.
Densaýlyq saqtaý basqarmasynyń habarlaýynsha, 5 adam zardap shekti. Bári tiri. İshki aǵzalardyń túrli jaraqattary bar úsh áıel adam ambýlatorıalyq-emhanalyq emdeýde, al tórt qabyrǵasy synǵan er adam travmatologıa bólimine jatqyzyldy.
Sonymen qatar, zardap shekkenderdiń arasynda bala bar, ol bas jaraqatymen aýrýhanaǵa jetkizildi. Biraq Densaýlyq saqtaý basqarmasynda bul kólikte bolǵan bala ma, joq pa, ony aıtpady.