Germanıada qazaqstandyq sýretshiniń kórmesi ashyldy
Qazaqstan Táýelsizdiginiń 30 jyldyǵyna oraı - 30 týyndy. Germanıa astanasynda sýretshi Madıhan Qalmahanovtyń jeke kórmesi ótip jatyr, dep habarlaıdy Almaty-akshamy.kz
Berlındegi galereıalardyń birinde qanat jaıǵan ekspozısıada qazaqtyń tazysy, tulparlar beınelengen kartınalar qoıyldy. Sonymen qatar kelgen qonaqtar natúrmort, peızaj, portret janrlaryndaǵy týyndylardy da tamashalaı alady. Kórme qarasha aıynyń sońyna deıin jalǵasady.
«Osy týyndyǵa joǵary baǵa bergen bir nemis sýretshisi boldy. Ol áınektiń shaǵylysýyn úlken sheberlikpen ekiniń biri jetkize almaıtynyn, buǵan kózi ótkir, qoly altyn jáne shyǵarmashylyq áleýeti zor sýretshiniń qabileti ǵana jetetinin aıtqan edi. Qazaqstanǵa degen qyzyǵýshylyq ulǵaıýda. Qazaq ónerin álemdik shyǵarmashylyq álemine qosylǵan eń qyzyqty jáne erekshe óner dep atar edim», - deıdi Ars Pro Dono galereıasynyń negizin qalaýshy Alekseı Shraıner.