Jýyrda ótken Ulttyq quryltaıdyń úshinshi otyrysy qoǵamdaǵy mańyzdy oqıǵa bolǵany ras. Dástúrge aınalǵan osy keńes barysynda qoǵamda atqarylar aýqymdy isterdiń baǵyt-baǵdary aıqyndaldy. Mundaı basqosýdyń qazirgideı jahandaný kezeńinde ulttyń ózindik kelbetin saqtaý qalý úshin asa mańyzdy is ekeni belgili. Qoǵamnyń damyp, órkenıetti elderdiń qataryna qosylýy úshin ekonomıkalyq jetistikter, halyqtyń ulttyq qundylyqtary qajet. Prezıdentimiz qoǵamdaǵy bereke-birlikti saqtaý eń negizgi mindetterdiń biri ekenine toqtalyp, osy iste zıaly qaýymǵa aıryqsha jaýapkershilik júkteletinin jetkizdi. Quryltaıda memlekettik tilge qatysty másele de basty nazarda boldy. Prezıdentimiz qazaq tiliniń ǵylym tiline aınalyp kele jatqanyn ári ol memlekettik saıasattyń basty baǵyty bolyp qalatynyn naqtylady. Bul iste kreatıvti ındýstrıanyń mańyzy erekshe. Osyǵan oraı aldaǵy ýaqytta atalǵan saladaǵy keshendi jumystar jalǵasa beretin boldy. Qazaq tili bıznestiń, ǵylym men tehnıkanyń tiline aınala bastady,-dedi Memleket basshysy.
Endi eldiń ıdeologıalyq damýynda mádenı murany saqtaý, tól tarıhymyz ben kórnekti tulǵalarymyzdy dáripteý isi de basymdyqqa ıe bolmaq. Sol sebepti bıyl Joshy ulysynyń negizi qalanǵanyna 800 jyl tolǵany nazarǵa alyp, Altyn Orda mártebesin laıyqty dáripteý qajettiligi aıtyldy.
«Biz bolashaqqa senimmen qadam basý úshin tól tarıhymyzdyń aýqymy keń ekenin tolyq sezinip, mádenı muramyzdy saqtap, ony dáripteýimiz qajet.
Qazaqstan – Uly daladaǵy kóshpendiler órkenıetiniń tikeleı murageri. Jer júzine Altyn Orda degen atpen tanylǵan áıgili Joshy Ulysy Ortalyq Eýrazıanyń baıtaq dalasyndaǵy eń qýatty memleket retinde moıyndalǵan. Osy ortaǵasyrlyq derjavanyń geosaıası murasy birqatar Eýrazıa memleketiniń, sonyń ishinde Qazaq handyǵynyń qurylýyna negiz boldy. Ulyq Ulystyń jerinde san alýan etnos jáne din ókilderi bir shańyraqtyń astynda ómir súrdi. Túrli mádenıetter ózara astasyp, memleket qurý isiniń biregeı úlgisi qalyptasty- dep atap ótti Memleket basshysy.
Sonymen qatar Prezıdentimizdiń tapsyrmasy boıynsha ulttyń jańa kelbetin aıqyndaıtyn negizgi qundylyqtar qalyptastyrý basym baǵytta bolmaq. Budan bylaı qoǵamda laıyqty urpaq tárbıleýde atalǵan qaǵıdalar negizgi baǵyt bolary anyq.
Elimizdegi eń basty jetekshi oqý orny bolyp sanalatyn ál-Farabı atyndaǵy Qazaq ulttyq ýnıversıteti Prezıdenttiń quryltaıda aıtqan máselelerin ǵylymı negizdep, erekshe qoldaý tanytýda. Ulttyq qundylyq pen dástúrdi damytý ásirese Naýryz merekesi sekildi jalpyhalyqtyq merekelerdi atap ótý sekildi basymdyqtar oqý ornynda keń kólemde kórinis berdi. Ulttyq kıim men dástúrdiń úlgisi jastar arasynda úlken qoldaý tapty. Mundaı aýqymdy shara tek bir oqý ornynyń ǵana emes, memlekettik deńgeıdegi mańyzy bar oqıǵa ekeni belgili. Óıtkeni qazir álem jyldam ózgerip otyrady. Osyǵan oraı qundylyqtar da jıi ózgeriske túsýde. Biz óz negizimizdi saqtap, damytýǵa mindettimiz.