Energetıka mınıstrligi benzın men dızeldiń jańa baǵasyn belgilemek
«Ashyq NQA» portalynda energetıka mınıstrligi shyǵarǵan buıryqtyń jobasy jarıalandy. Joba 28 aqpanǵa deıin qoǵamdyq talqylaýdan ótedi, dep habarlaıdy almaty-akshamy.kz.
«Baǵalaryna memlekettik retteý belgilengen stasıonarlyq avto janar-jaǵar maı quıý stansıalary úshin bólshek saýdada ótkiziletin munaı ónimderine shekti baǵalardy belgileý týraly» Qazaqstan Respýblıkasy Energetıka mınıstriniń 2015 jylǵy 19 mamyrdaǵy № 361 buıryǵyna (Normatıvtik quqyqtyq aktilerdi memlekettik tirkeý tiziliminde № 11165 bolyp tirkelgen) mynadaı ózgeris engizilsin», - delingen buıryq mátininde.
Aı-80 benzıni – 1 lıtrine 89 teńge;
Aı-92 jáne Aı-93 benzıni – 1 lıtrine 205 teńge;
dızel otyny (jazǵy, maýsymaralyq) –1 lıtrine 295 teńge.
«Buıryq jarıalanǵannan keıin kúntizbelik on kún ótken soń qoldanysqa engiziledi», - delingen habarlamada.
Esterińizge sala keteıik, qazir jazǵy dızel otynynyń shekti baǵasy sheteldikter úshin 450 teńge, otandastarymyzǵa – 295 teńge.