Farabıtanýǵa zor úles qosqan ǵalym
Pedagogıka jáne psıhologıa ǵylymdarynyń doktory, profesor, Qazaqstannyń eńbek sińirgen ǵylym jáne tehnıka qaıratkeri Qubyǵul Bozaıuly Jaryqbaev dúnıe saldy. Bul týraly ál-Farabı atyndaǵy QazUÝ-dyń Fılosofıa kafedrasy Ǵacebook paraqshasynda jazdy, dep habarlaıdy Almaty-akshamy.kz.
«Ál-Farabı atyndaǵy Qazaq ulttyq ýnıversıteti Fılosofıa jáne saıasattaný fakúlteti, Fılosofıa kafedrasynyń ujymy pedagogıka jáne psıhologıa ǵylymynyń doktory, profesor, QR Eńbek sińirgen ǵylym jáne tehnıka qaıratkeri, otandyq psıhologıa ǵylymynyń qulabyzy, fılosoftardyń da jańa býynyn qalyptastyryp, Farabıtanýǵa zor úles qosqan ǵalym Qubyǵul Bozaıuly Jaryqbaevtyń ómirden ótýine baılanysty ul-qyzdaryna, týǵan-týys baýyrlaryna, jaqyndaryna qaıǵysyna ortaqtasyp, kóńil aıtady. Marqumnyń jany jánnatta, ımany salamat bolsyn!» – dep jazylǵan jelide.
Jaryqbaev Qubyǵul Bozaıuly – 1929 jyly Aqtóbe oblysy Alǵa aýdany Kókbulaq aýylynda dúnıege kelgen.
1946 jyly Aqtóbe muǵalimder ınstıtýtyn jáne 1951 jyly QazMÝ-di bitirgen.
1951-1958 jyldar aralyǵynda Qyzylorda pedagogıkalyq ınstıtýtynda asıstent, 1958-1977 jyldar aralyǵynda Shymkent pedagogıkalyq ınstıtýtynda aǵa oqytýshy, dosent, kafedra meńgerýshisi, 1977-1987 jyldary QazMÝ-de dosent, kafedra meńgerýshisi boldy.
1987 jyldan QazUÝ-de profesor, 1998 jyldan Etnopedagogıka jáne etnopsıhologıa ortalyǵynyń dırektory qyzmetterin atqardy.
Ǵylymı-zertteý jumystarynyń negizgi baǵyty: Qazaqstandagy psıhologıalyq jáne pedagogıkalyq oı-pikirlerdiń damý tarıhy, etnopsıhologıa máseleleri. Ol Alash qaıratkerleriniń psıhologıalyq jáne pedagogıkalyq muralary jóninde birqatar ǵylymı eńbekter jazǵan.