Ábdiráli Bólebaı baqılyq boldy
Radıo jáne televızıa salasynyń ardageri, belgili dıktor Ábdiráli Bólebaı 70 jasqa qaraǵan shaǵynda dúnıeden ótti, dep habarlaıdy Almaty-akshamy.kz Qazradio.fm saıtyna silteme jasap.
Ábdiráli Bólebaı Jambyl oblysy Jambyl aýdanynyń Ernazar aýylynda dúnıege kelgen.
Almatydaǵy №46 qalalyq kásiptik tehnıkalyq ýchılısheni, Qurmanǵazy atyndaǵy konservatorıany bitirgen.
1983 jyly Máskeý qalasyndaǵy Búkilodaqtyq teledıdar jáne radıo qyzmetkerleriniń bilimin jetildirý ınstıtýtynan dáris aldy.
Eńbek jolyn "Qazaqfılm" kınostýdıasynda rejıserdyń kómekshisi bolyp bastady.
1977 jyly Qazaqstan kásipodaqtary janyndaǵy respýblıkalyq kórkemónerpazdar úıinde metodıst;
1978 jyly Qazaq radıosynyń dıktory;
1985 jyly Qazaq teledıdarynda dıktor;
1992-96 jyldary dıktorlar tobynyń jetekshisi;
1996 jyly "Habar" agenttiginde "Jeti kún" aqparatty saraptaý baǵdarlamasy jáne "Jańalyqtar" qyzmetiniń júrgizýshisi;
2000 jyly "Qazaqstan" ulttyq arnasynyń Astana fılıalynda dıktor;
2002 jyly QR Prezıdentinin Teleradıokesheninde prodúser;
2004 jyly QR Ekonomıkalyq qylmysqa jáne sybaılas jemkorlyqqa qarsy kúres agenttigi (qarjy polısıasy) baspasóz hatshysy bolyp qyzmet atqarady. Ábdiráli Bólebaı ómiriniń sońynda deıin Qazaq radıosynda dıktorlyq qyzmet atqardy.
«Ol teleradıoda dıktorlyq ónerdiń qyr-syryn tereń meńgergen, daýys úni ózgeshe, sheberligi tolysqan bilikti maman. Onyń oqyǵan teleradıohabarlarynan ózgeshe bir tynys, keń aýqym, bıazylyq pen parasattylyq lebi esedi. Jyly júzdi, jaıdarly, qarapaıym. Ábdiráli aǵamyzdyń altyn daýysy Qazaq radıosynyń «Altyn qorynda» saqtaýly. Otbasy men týǵan-týystaryna qaıǵyryp kóńil aıtamyz», - dedi Radıodan.