Belgıada epıdemıologıalyq ahýal ýshyǵyp, shekteý sharalary kúsheıtildi, dep habarlaıdy almaty-akshamy.kz
Ótken aptada táýligine orta eseppen 5 myń 300 adam koronavırýs juqtyrǵan. Osyǵan oraı bılik el aýmaǵy boıynsha mindetti maska taǵý rejımin qaıtardy. Sonymen qatar turǵyndar qazannyń 29-ynan bastap qoǵamdyq tamaqtaný oryndary, sporttyq jáne mádenı ǵımarattarǵa kirer aldynda mindetti túrde kovıd tólqujatyn kórsetýi tıis.
Kásiporyndar men kompanıa qyzmetkerleriniń basym bóligi qashyqtan jumys isteý rejımine kóshýi kerek. Elde 3 aıǵa tótenshe jaǵdaı jarıalandy.
- Ǵımarat ishin únemi jeldetip turý kerek. Ózińizdi jaısyz sezinseńiz, jumysqa shyqpaı, test tapsyrǵandaryńyz jón. Vırýs órship turǵandyqtan, bir jerde egde jastaǵy turǵyndar men balalardyń jınalýyna bolmaıdy. Aınalamyzdaǵy adamdarǵa qamqorlyq tanytýymyz kerek. İndetten tek vaksına arqyly qorǵana alamyz. Ekpe ınfeksıadan 70 paıyz qorǵaıdy. Sonymen qatar aýrýdyń jeńil túrde ótýine septigin tıgizedi. Sondyqtan 65 jastan asqan azamattar vaksınanyń úshinshi dozasyn alǵany abzal, - dedi Belgıa Premer-Mınıstri Aleksandr De Kro.