Abý-Dabıde ótip jatqan álem chempıonatynyń ekinshi jarys kúninde beldesken qazaqstandyq 5 dzúdoshynyń barlyǵy jarysty birinshi aınalymnan aıaqtady.
66 kelide Janarys Rahmetqalı alǵashqy aınalymda fransýz dzúdoshysyna jol berdi. Qatarynan úsh shıdo alǵan otandasymyz osylaı jarysty aıaqtady. Aıta ketetin jaıt, atalǵan dzúdoshy taıaýda ótken Azıa chempıonatynda qola júldeger atanǵan bolatyn, dep habarlaıdy almaty-akshamy.kz.
73 kelide Baqytjan Ábdirahmanov ta jarysty alǵashqy aınalymnan aıaqtady. Ol nemis dzúdoshysyna vazarımen ese jiberdi. Osylaısha ol jarysty júldesiz aıaqtady. Baqytjan ótken aptada Astanada aıaqtalǵan Grand Slem týrnırinde úshinshi orynǵa ıe bolǵan edi.
Osy salmaqtaǵy basty úmitimiz Danıar Shamshaev birinshi beldesýinde Moldova balýanynan ıpponmen utylyp, elge qaıtatyn boldy.
Buǵan deıin qarsylasyna qaýipti ádis qoldanǵan Ǵusman Qyrǵyzbaev jarysty aıaqtasa, 57 kelide Baqyt Qusaqbaeva birinshi aınalymda jeńilgen edi.
Qazaqstan balýandary jarystyń alǵashqy kúnin qola medalǵa ıe boldy. Bul júlde 48 kelide beldesken Abıba Ábýjaqynovaǵa tıesili. Sondaı-aq, Eldos Smetov besinshi orynǵa turaqtady.