Aýrýdy juqtyrýdyń negizgi oryndary aıtyldy.
Kózge kóriner qaýiptiń bolmaýyna baılanysty halyqtyń jeke qaýipsizdik sharalaryn tómendetýi, qoǵamdyq oryndarda jáne kólikte maska rejımin saqtamaýy turǵyndardaǵy ınfeksıanyń ósý sebepteriniń biri, dep habarlaıdy Almaty-akshamy.kz.
Bul málimetti Almaty qalasynyń sanıtarıalyq-epıdemıologıalyq baqylaý Departamentiniń basshysy, qalanyń bas memlekettik sanıtar dárigeri Jandarbek Bekshın Almaty qalasynda ótken onlaın brıfıńte aıtyp ótti.
«Búgingi kúni epıdemıologıalyq tekserý nátıjeleri boıynsha saýda obektileri – 32 %, otbasylardaǵy baılanystar – 16%, qoǵamdyq kólik – 17,1%, bazarlar – 13% aýyrǵandardy juqtyrýdyń negizgi oryndary bolyp tabylady», - deıdi bas sanıtar.
Sonymen qatar ol turǵyndardyń ınfeksıalanýynyń ósý sebepterin atady. Olardyń qatarynda kózge kóriner qaýiptiń bolmaýyna baılanysty halyqtyń jeke qaýipsizdik sharalaryn tómendetýi, turǵyndardyń qoǵamdyq oryndarda jáne kólikte maska rejımin saqtamaýy.
COVID-19 vırýsy delta nusqasynyń joǵary juqpalylyǵy men patogendigin aıtqan J. Bekshın otbasyna ınfeksıa túsken kezde otbasynyń barlyq músheleri juqtyratynyn, 95% klınıkalyq kórinistermen aýyratynyn jetkizdi.
Sondaı-aq, 1-eshelondaǵy ınfeksıalyq tósekterdiń 95%-y, stasıonarlarda aýyr jáne asa aýyr jaǵdaılarda naýqastardyń 45%-y jumyspen qamtylǵandar ekenin de aıtty.
Qoǵamdyq tamaqtandyrý kásiporyndarynda, qala mańy aımaǵynda jáne jalǵa alynǵan kotejderde jappaı otbasylyq is-sharalardy, toı, mereıtoılardy tyıym salynǵanyna qaramastan, halyqtyń uıymdastyrýy ınfeksıalanýdyń ósýine sebep bolyp otyr. Azamattardyń bir bóliginiń vaksınasıalaýdyń paıdasy týraly kúmándáriniń jalǵasýy da ınfeksıalanýdyń ósýine sebep.
«Epıdemıologıalyq taldaý nátıjesi boıynsha búgingi kúni juqtyrǵandardyń 34%-y - 20-dan 40 jasqa deıingi jastar», - dep atap ótti J. Bekshın.
Qoǵamdyq oryndarǵa: dámhanalarǵa, meıramhanalarǵa, túngi klýbtarǵa belsendi túrde baryp, vaksına egýdi jáne betperde rejımin saqtaýdy qalamaıtyndar kinásinen ınfeksıany kóp otbasy músheleri juqtyratyndyǵy, al bul qaladaǵy barlyq KVI jaǵdaılarynyń 70% - dan astamyn quraıtyny aıtyldy.
«Epıdemıologıalyq jaǵdaıdy turaqtandyrý jáne bilim berý mekemelerinde jańa oqý jylyn shtattyq rejımde uıymdastyrý maqsatynda halyqty jedel vaksınasıalaýǵa jáne qoǵamdyq oryndar men qoǵamdyq kólikterde betperde rejımin saqtaýǵa, adamdar kóp jınalatyn obektilerge, túngi klýbtarǵa, meıramhanalarǵa, kafelerge barmaýǵa, úı jaǵdaıynda buqaralyq is-sharalardy shekteýge shaqyramyn», - dedi Jandarbek Bekshın.