Vaksınasıa balalardyń densaýlyǵyn qorǵap, ınfeksıa tizbegin úzýge kómektesedi.
Bul málimetterdi qalalyq bilim basqarmasynyń basshysy Lázzat Jylqybaeva Óńirlik komýnıkasıalar qyzmetiniń brıfıńi barysynda aıtty. Onyń aıtýynsha, medısınalyq qarsylyqtary barlardy qospaǵanda, muǵalimderdiń 100% ekpe tólqujatyn alǵan, dep habarlaıdy Almaty-akshamy.kz.
L.Jylqybaeva bilim berý qyzmetkerlerine vaksınasıa balalardyń densaýlyǵyn qorǵaýǵa, ınfeksıa tizbegin úzýge jáne koronavırýstyń taralýyn oqshaýlaýǵa kómektesedi degen oıda.
Almaty qalalyq bilim basqarmasynyń basshysy pandemıa bilim berý júıesin onlaın rejımine kóshýge májbúrledi, biraq dástúrli formata oqýmen eshnarse teńese almaıdy. Sondyqtan qyrkúıek aıynda oflaın rejımde jumys isteý úshin mektepterde barlyq muǵalimder men basqa qyzmetkerlerge vaksınasıa júrgizildi.
Atap aıtsa, 26 tamyzda Almatyda birinshi komponentpen - 3 894 adam, ekinshisimen - 7 357 adam vaksınalandy. Barlyǵy 2021 jyldyń 1 aqpanynan 26 tamyzyna deıingi kezeńde 856 899 adam birinshi komponentpen, 706 424 adam ekinshi komponentpen egildi. Vaksınalanǵan adamdardyń jalpy sanynan 60 jastan asqan adamdar 110 236 adamdy quraıdy.
Qalada medısınalyq uıymdarda, mektepterde, mádenı jáne sporttyq nysandarda, bazarlar men saýda ortalyqtarynda 160 ekpe pýnkti bar. 1028 adamnan turatyn 237 ekpe brıgadasy jumyldyryldy.