Bes jylǵa jalǵasqan «Bek Air» tergeýi aıaqtaldy. Almaty mańynda apatqa ushyraǵan kompanıa ushaǵyna qatysty bas-aıaǵy 4 myń tergeý áreketi júrgizildi. Bul týraly búgin Kóliktegi polısıa departamenti habarlady.Áýe apatyna qatysty tyńǵylyqty tekseris júrdi. Oqıǵa orny men kompanıaǵa qatysty 2 myń ret tekserý toby barǵan. Al uzyn-sany 1350 adamnan jaýap alynǵan. Tergeý isine Belgıa, Germanıa, Lúksembýrg jáne Nıderlandy elderi de at salysty. Qazir iske qatysýshylar sotqa deıingi tergep-tekserý materıaldarymen tanysyp jatyr.
Eske salaıyq, 2019 jyly 27 jeltoqsanynda Almaty áýejaıynda «Bek Air» áýekompanıasynyń «Fokker-100» ushaǵy apatqa ushyrady. Ushaq kóterilý bıiktigin joǵaltyp, eki qabatty qurylys nysanymen soqtyǵysqan bolatyn. Apat saldarynan 12 adam qaza taýyp, 49 adam zardap shekken.