Almatyda Á. Qasteev atyndaǵy QR Memlekettik óner mýzeıinde Qazaqstannyń eńbek sińirgen qaıratkeri Baqytjan Ábishevtiń týǵanyna 75 jyl tolýyna oraı «Kezdesý. Ábishev álemi» atty kórme uıymdastyryldy.
Ekspozısıaǵa avtordyń 40-qa jýyq músin týyndylary men monýmentaldy eskertkishterdiń fotosýretteri qoıyldy.
Músinshi Baqytjan Ábishevtiń shyǵarmashylyǵy 1970-shy jyldary Qazaqstan beıneleý ónerine ózindik ulttyq mánerimen endi. Onyń shyǵarmashylyǵynyń qundylyǵy, týyndylarynyń sújettik mazmunynyń aýqymdylyǵymen, plasıkalyq sheshimderdi tabýdaǵy sheberligi men keńistikte músin jasaýdaǵy erkindigimen erekshelenedi.
«Kórmeni aralap júrip músindermen syralsqandaı boldym. Ol kisiniń jasaǵan eńbekteri urpaq jadynda máńgilik saqtalady. Shyǵarmashylyna úńile qarasańyz aýyl ómirin, súıkimdi sáıgúlikti tamashaladyq. Sondaı-aq, at jetekten qazaq jastarynyń máńgilik beınesi eskertkishte qalǵanyna qýanyshtymyn»,–deıdi kórermen Jazıra Eskerbek.
Bildek janry sheberi Baqytjan Ábishevtiń jumystary Qazaqstan men shetel mýzeılerine qoıylǵan. Lozannadaǵy Olımpıada komıtetiniń shtab-páterinde «Olımpıes», Germanıadaǵy jeke koleksıada «Kúıshi», Máskeýde «Tomırıs» sıaqty týyndylary bar.
Músinshi Atyraýda Mahambettiń 200 jyldyq mereıtoıyna arnap qazaq halqynyń kemeńger uldary Mahambet Ótemisov pen Isataı Taımanovtyń at ústindegi erekshe monýmentin jasaǵan.
Avtor týyndylarynda túrli kompozısıalyq jáne jıvopısti plasıka ádisterin qoldanady. Onyń «Ana portreti», «Ýran», «Qulager», «Umaı», «Tomırıs», «Betashar», «Búrkitshi», «Batyr» sıaqty eńbekteri keńinen tanymal.
