Damyǵan zaman
Beıjiń qalasynda 100 shaqty avtokólik pılotsyz taksı qyzmetin kórsete bastady, dep habarlaıdy Almaty-akshamy.kz 24.kz-ke silteme jasap
Ázirge olar aýdany 60 sharshy shaqyrym arnaıy aımaq aýmaǵynda adam tasymaldap júr. Bul aımaqtaǵy jalpy qashyqtyǵy 350 shaqyrymdaı kósheler arnaıy jol belgilerimen jabdyqtalǵan. Joba ázirleýshileri osylaı jergilikti turǵyndardyń kóliktiń bul túrine qyzýǵyshylyǵy qandaı bolatynyn teksermek.
Robot-taksıdi arnaıy uıaly qosymsha arqyly shaqyrtýǵa bolady. Bir jyldaı olar jolaýshylardy tegin tasymaldaǵan. Endi qyzmeti aqyly boldy.
Pılotsyz taksıdi resmı túrde qoldanysqa engizý úshin 30 myń jolaýshyny jetkizip, 300 myń shaqyrym jol ótýi tıis. Beıjiń - robot-taksı úshin aqy alyp jatqan Qytaıdaǵy jalǵyz qala.
Taǵy tórt iri qalada ol áli synaqtan ótip jatyr. Joba ázirleýshiler eki jyldan keıin pılotsyz taksı qyzmetin 30 qalada endirýdi kózdep otyr.
«Ózimdi qaýipsiz sezindim. Kádimgı taksıden erekshe aıyrmashylyǵy joq. Jumysyn jańa ǵana bastaǵandyqtan, baǵasy áli qymbat ekenin túsindim. Biraq jańa paıdalanýshy retinde maǵan jeńildik berildi. Sondyqtan kádimgi taksıden góri az tóledim. 700 metrdeı júrdim. Alǵashqy baǵasy 26 ıýán bolǵan, jeńildikpen ne bary 4 ıýán tóledim. Óte arzan», - dedi Beıjiń qalasynyń turǵyny Sáo Shısı.