11 ekıpaj kún saıyn jolǵa shyǵady.
Almatyda mobıldi ekopatrýlder iske qosyldy, dep habarlaıdy Almaty-akshamy.kz Polisia.kz saıtyna silteme jasap.
Qazir ýaqytta Almaty polısıasy Jasyl ekonomıka basqarmasymen birlesip, ekologıalyq standartqa saı kelmeıtin kólikterdi anyqtaý maqsatynda reıd júrgizip jatyr. Kórsetilgen zań buzýshylyqtardy anyqtaý úshin arnaıy tehnıkamen jabdyqtalǵan patrúldik polısıanyń 11 ekıpajy kún saıyn jolǵa shyǵady.
«İs-sharanyń basynan beri eki jarym myńnan astam kólik tekserýden ótti, onyń 1 myń 193-i dızeldik otynmen, 1 myń 357-si jaǵarmaımen júredi. Tekserilgen kólikterdiń jalpy sanynyń 23%-y ekologıalyq standarttarǵa sáıkes kelmeıdi: 589 kólik quralynda paıdalanylatyn gaz kólemi artyq bolyp shyqty. Sonymen qatar, búginde qalaǵa kire beriste 19 ekologıalyq beket ornatý jumystary júrgizilip jatqanyn habarlaımyz. Olar ólsheý quraldary, beınebaqylaý kameralarymen jabdyqtalǵan. Aǵymdaǵy jyldyń naýryz aıynan bastap barlyǵy 139 myń 746 kólik tekserildi, onyń 21 myń 751-inde ýlylyq normasynan asyp ketkeni anyqtaldy», – dedi Almaty qalalyq PD Jergilikti polısıa qyzmeti basqarmasynyń bastyǵy Manap Sattarov.
Anyqtama úshin: QR ÁQbK-niń 334-babyna sáıkes, shyǵaryndylaryndaǵy lastaýshy zattardyń mólsheri, sondaı-aq paıdalaný kezinde olardan týyndaıtyn shý deńgeıi belgilengen normatıvterden (tehnıkalyq normalardan) asatyn avtokólikterdi, basqa da jyljymaly kólikterdi jáne qondyrǵylardy paıdalaný eskertý jasaýǵa nemese aıyppul salýǵa ákeledi, jeke tulǵalarǵa – 10, zańdy tulǵalarǵa – 100 aılyq eseptik kórsetkish mólsherinde aıyppul salynady.
Osy baptyń birinshi bóliginde kózdelgen ákimshilik jaza qoldanylǵannan keıin bir jyl ishinde qaıtalap jasalǵan is-áreket úshin jeke tulǵalarǵa – 20, zańdy tulǵalarǵa 200 aılyq eseptik kórsetkish mólsherinde aıyppul salynýy yqtımal.