Beıjińde koronavırýstyń órshýine baılanysty mektepterde sabaq berý toqtatyldy
Beısenbiden bastap Qytaı astanasyndaǵy mektepterde sabaq berý toqtatyldy. Bul shekteýler qaýipti vırýstyń taralýyn toqtatý maqsatynda engizildi, dep habarlaıdy Almaty-akshamy.kz QazAqparatqa silteme jasap.
Beısenbi kúni tańerteń beıjińdik Chaoıan aýdanyndaǵy jekemenshik mektepterde bilim alýshylardyń ata-analaryna oqý oryndary qashyqtyqtan oqytý rejımine kóshkeni týraly shuǵyl habarlama keldi.
Jergilikti BAQ-tyń habarlaýynsha, sársenbiden bastap mundaı sharalar qalanyń basqa aýdandaryndaǵy birqatar bastaýysh jáne orta mektepterde engizile bastaıdy. Sondaı-aq, Týnchjoý aýdanyndaǵy balabaqshalar jumysy toqtatylǵan. 27 sáýirdegi jaǵdaı boıynsha, mektep oqýshylary arasynda COVID-19 ınfeksıasyn juqtyrý oqıǵalarynyń sany artyp keledi. Astanalyq Chaoıan aýdanyndaǵy mektepterdiń birinde vırýsqa shaldyǵýdyń 36 oqıǵasy anyqtalǵan.
QHR Gıgıena jáne densaýlyq saqtaý memlekettik komıtetiniń málimetinshe, sońǵy táýlikte Beıjińde koronavırýs ınfeksıasyn juqtyrýdyń 50 jańa oqıǵasy tirkeldi.
Dúısenbiden bastap bılik Qytaı astanasy aýdandaryndaǵy birqatar turǵyndardy jappaı testileýden ótkizýde.