Beıjiń qalasyna áýe reısteri artady, dep habarlaıdy almaty-akshamy.kz.
Kólik mınıstrligi Azamattyq avıasıa komıtetiniń málimetinshe, bıyl 27 sáýirden bastap China Southern Airlines áýe kompanıasy Almaty-Beıjiń áýe baǵyty boıynsha reıster sanyn aptasyna 3-ten 7-ge deıin ulǵaıtqan. Osylaısha, áýe kompanıasy osy baǵyt boıynsha reısterdi kúndelikti negizde oryndaıtyn bolady.
Reıster syıymdylyǵy 152-200 oryndyq «Eırbas-A320/A321» tıpti áýe kemelerinde oryndalady.
Aıta ketsek, 2023 jylǵy 10 qarashadan bastap Qazaqstan men Qytaı Halyq Respýblıkasy arasynda ózara vızasyz rejım jumys isteıdi. Bul eki el arasyndaǵy kedergisiz saıahatqa yqpal etedi.
Reıster sanynyń artýy eki el arasyndaǵy saýda-ekonomıkalyq, iskerlik jáne týrısik yntymaqtastyqty odan ári damytýǵa septigin tıgizedi.