QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń kómegimen túsirilgen rejıser-debútant Asqat Kýchınchırekovtyń «Baýyryna salý» fılmi Ispanıadaǵy 71-shi San-Sebastán Halyqaralyq kınofestıvaliniń “Jańa rejıserler” baıqaý baǵdarlamasyna endi, dep habarlaıdy Almaty-akshamy.kz.
«Bask eliniń» bul festıvali «A» klasyndaǵy eń kóne kınofestıvalderdiń biri jáne Eýropadaǵy Kann, Berlın, Venesıadan keıingi tórtinshi mańyzdy jáne ıspan tilinde sóıleıtin álemdegi eń mańyzdy festıvál bolyp sanalady. Festıvál búkil álem boıynsha kórnekti talanttardy izdeýmen jáne jyl saıyn jańa esimderdi ashýmen tanymal.
«Baýyryna salý» kartınasy qazaqtyń baıyrǵy dástúri boıynsha ájesiniń tárbıesindegi balanyń ómirin baıandaıdy. Ájesi ómirden ozǵannan keıin ol ata-anasyna oralyp, jańa ortada beıtanys adamdarmen qarym-qatynas ornatýy kerek. Fılmniń senarıin jazǵan Asqat Kýchınchırekovtyń aıtýynsha, bul kartına qazaq halqynyń salt-dástúrine degen qurmet.
«Bul óte jeke oqıǵa. Men ájemniń qolynda óstim, ol meni ósirdi. Biraq bul jerde eń bastysy - ata-anamen qarym-qatynas. Ájesimen birge ósken balalardyń bári eshqashan ata-anasyn «áke», «ana» dep atamaıdy. Nelikten? Balalar tastap ketkenine renjıdi. Fılmniń dramasy sol, eski otbasynan aıyrylǵan keıipker áli de jańasyn taba alady», - deıdi rejıser.
«Asqat Kýchınchırekoa otbasyndaǵy, eń aldymen, áke men bala arasyndaǵy qarym-qatynastyń kúshti oqıǵasyn óte talantty túsirgen, «baýyryna salý» dástúri Ortalyq Azıa aımaǵynda bolǵanyna qaramastan, búkil álem boıynshp túsinikti jáne kórermenge jaqyn bolyp shyqty. Munyń jarqyn dáleli - San-Sebastán festıvaline qatysý», - deıdi fılmniń prodúseri Anna Kachko.
Kópshilikke Sergeı Dvorsevoıdyń «Túlpan» fılmindegi basty róli arqyly tanylǵan Asqat Kýchınchırekov (2008 jyly Kann kınofestıvalinde “Erekshe kózqaras” baıqaýynyń bas júldesiniń ıegeri) óziniń debúttik fılmin úsh jyl boıy jasady. Túsirilim Almaty oblysyndaǵy Quıǵan jáne Tuıyq aýyldarynda júrgizildi. Qoıýshy-operator Janarbek Eleýbek. Basty róldi jańa akter Ersultan Ermanov somdady.
71-shi San-Sebastán halyqaralyq kınofestıvali 2023 jyldyń 22-30 qyrkúıeginde ótedi. Festıválde sonymen qatar búkil álem boıynsha fılmderdi odan ári ilgeriletý jáne satý úshin kıno mamandaryn biriktiretin jyl saıynǵy iri kınobıznes alańy ótkiziledi.