Basqa aqparat tergeý múddesine oraı jarıalaýǵa jatpaıdy
Batys Qazaqstan oblysyndaǵy tikushaqtyń qatty ekpinmen kelip qonýy oqıǵasyna baılanysty tergeý bastaldy, dep habarlaıdy Almaty-akshamy.kz İshki ister mınıstrligine silteme jasap.
İshki ister mınıstrligi 23 aqpanda bolǵan oqıǵa Kóliktegi polısıa departamentiniń sotqa deıingi tergep-tekserýdiń biryńǵaı tizilimine QR Qylmystyq kodeksiniń 344-babynyń 3-bóligi, ıaǵnı abaısyzda eki nemese odan da kóp adamnyń ólimine ákep soqqan áýe kóligi júrisi nemese olardy paıdalaný qaýipsizdigi qaǵıdalaryn buzý boıynsha tirkelgenin habarlady.
«Qazirgi ýaqytta QR Bas kólik prokýratýrasynyń qadaǵalaýymen osy is boıynsha tıisti tergeý amaldary júrgizilip jatyr. Basqa aqparat QR Qylmystyq is júrgizý kodeksiniń 201-babynyń talaptaryna sáıkes, tergeý múddesine oraı jarıalaýǵa jatpaıdy», - delingen habarlamada.
Eske salaıyq, oqys oqıǵa saǵat 16:05-te bolǵan. «Qazavıaqutqarý» AQ-ǵa tıesili MI-8 tikushaǵy «QazTransOıl» AQ-tyń magıstraldy munaı qubyrlary jelisin josparǵa saı kókten sholyp, Atyraýǵa keri oralǵanda Oral áýejaıynan 54 shaqyrym jerde bar ekpinimen qonǵan.