Oqıǵanyń jaı-japsary anyqtalyp jatyr.
Batys Qazaqstan oblysy Bókeı ordasy aýdanynda myńnan asa kıik qyrylyp qalǵan, dep habarlaıdy Almaty-akshamy.kz
Bókeı ordasy aýdanynyń ákimi Nurlybek Daýmovtyń aıtýynsha, oqıǵa 12 sáýir kúni keshkisin Muratsaı aýyldyq okrýginde bolǵan. Kıikterdiń óleksesi aýyl mańyndaǵy Muratsaı sý qoımasynan tabylǵan.
«Sáýir aıynda osy Muratsaı aýylynyń tusymen kıikter Jánibek aýdanyna qaraı tóldeý úshin ótedi. Álsiz boldy ma, álde birin-biri tapap óltirdi me, sebebi belgisiz. Qazirgi kezde «Ohotzooprom» mekemesi, «Bókeı ordasy» tabıǵı rezervaty, aýdan jáne aýyl ákimdigi qyzmetkerleri, veterınar mamandar sýdan ólekselerdi shyǵaryp, shuńqyrǵa kómip jatyr. Jáńgir han atyndaǵy Batys Qazaqstan agrarlyq-tehnıkalyq ýnıversıtetinen ǵalymdar keledi, aýdandyq sanıtarlyq-epıdemıologıalyq basqarma qyzmetkerleri sýdan synama aldy. Jaǵdaı baqylaýda. Oqıǵanyń jaı-japsary anyqtalady», dedi N.Daýmov.