Energetıka mınıstrligi: Jylý berý maýsymyna 5,2 mln tonna kómir jáne 88 myń tonna mazýt daıyndaldy
Premer-Mınıstr Oljas Bektenovtiń tóraǵalyǵymen ótken Úkimet otyrysynda energetıkalyq jáne komýnaldyq ınfraqurylymnyń aldaǵy jylý berý maýsymyna daıyndyǵy týraly energetıka mınıstri Almasadam Sátqalıev baıandama jasady.
Jylý berý maýsymy Abaı, Aqmola, Atyraý, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan oblystarynda jáne Astana qalasynda bastalyp ketti. Aýa raıynyń jaǵdaıyna baılanysty batys jáne ońtústik óńirlerde qazan aıynyń ortasynan bastap jylý beriledi dep josparlanýda.
Energetıka mınıstriniń aıtýynsha, elektr stansalarynda jóndeý kestesine sáıkes 5 energıa blogynda, 32 qazandyqta, 28 týrbınada jóndeý jumystary aıaqtaldy. Qazirgi tańda 4 energıa blogynda, 23 qazandyqta jáne 16 týrbınada jóndeý jumystary ár túrli kezeńderde júrgizilýde.
Elektr jelileri boıynsha 19,9 myń km elektr berý jelileri, 376 qosalqy stansa jáne 4 046 taratý pýnkti men transformatorlyq qosalqy stansalar jóndeýden ótti.
Mınıstrlik aldaǵy jylý berý maýsymynda tutynýshylardy energıamen jabdyqtaýdyń senimdiligin arttyrý úshin:
- elektr energıasynyń shekti tarıfteri qaıta qaraldy;
- qaıtarymdy ınvestısıalardyń jyldyq lımıti ulǵaıtyldy.
2024 jyly qabyldanǵan sharalar jóndeý jumystaryn qarjylandyrýdy ótken jylmen salystyrǵanda 44%-ǵa arttyryp, 327 mlrd teńgege jetkizýge múmkindik berdi. Sonymen qatar, jylý berý maýsymyna arnalǵan qoımalarda normatıvterge sáıkes 5,2 mln tonna kómir jáne 88 myń tonna mazýt jınaqtalǵan.
Mınıstrlik óńirlerdegi aǵymdaǵy birqatar máselelerdi baqylaýda ustaıdy.