Joǵarǵy Bas Qolbasshy óziniń Qazaqstan halqyna arnaǵan «Ádiletti Qazaqstan ekonomıkalyq baǵdary» Jodaýynda elimizdiń Qarýly Kúshteriniń Joǵarǵy Bas Qolbasshysy memlekettiń ulttyq qaýipsizdigin qamtamasyz etý úshin qorǵanys- ónerkásip keshenin jan- jaqty nyǵaıtý qajettigine basa nazar aýdardy.
Joldaýda qarý- jaraq pen áskerı tehnıkanyń ımporttyq jetkizilimderine táýeldilikti azaıtý úshin lokalızasıanyń joǵary úlesi bar óndiris sıklyn qurý mańyzdy mindet bolyp otyr.
Tehnıkany shuǵyl jóndeıtin óndiris oryndarynyń qýatyn arttyryp, otandyq kásiporyndarǵa barynsha qoldaý kórsetken jón. Bizde oǵan qajetti materıaldar- tehnıkalyq baza, bilik pen tájirıbe jáne mamandar bar. Tek olarǵa quzyrly mekemelerdiń tapsyrysy kerek.
Zamanaýı tehnologıa transfertin jasaý jáne jańa ózgerister ashý jumysyn jalǵastyrǵan jón.
Arnaýly qorǵanys- ónerkásip keshenin damytý qory arqyly óz kásiporyndarymyzǵa tikeleı qarjylyq qoldaý kórsetiledi,- dep atap ótti el qorǵanysy jóninde Prezıdentimiz Qasym-Jomart Kemeluly Toqaev.
Osylaısha elimizdiń Joǵarǵy Bas Qolbasshysy aınalamyz alasapyran bolyp jatqan kezde elimizdiń qaýipsizdigin nyǵaıtyp, qorǵanys salasyn kúsheıtýdiń óte qajetti qadam ekendigin naqtylap berdi.
El qaýipsizdiginiń basty salasynyń biri ulanǵaıyr jeri bar memleketimizdiń shekara kúzeti. Qazirgi tańda elimizdiń memlekettik shekarasyn kúzetý Memleket basshysynyń syndarly saıasatynyń arqasynda zamanaýı jańartylǵan tehnıkalardyń kómegimen kúzetilip keledi. Jyl saıyn jeldiń ótinde, eldiń shetinde shekara kúzetinde júrgen shekarashylardyń shekara shebin shegendeýde ózderiniń kásibı biliktilikterin joǵary deńgeıde shyńdaýmen qatar, jańa ozyq tehnologıadaǵy shekara kúzetine arnalǵan qural- jabdyqtarmen qamtamasyz etilip kele jatqandyǵyn aıta ketken jón. Biraq soǵan qaramastan memlekettik shekara kúzetinde júrgen shekarashylardyń da ózindik problemalary barshylyq. Endi, mine, Joǵarǵy Bas Qolbasshynyń halyqqa arnaǵan syndarly Joldaýynan keıin shekarashylardyń da túıini sheshilmeı jatqan keıbir máseleleriniń de kún tártibinen túsip, ońtaıly ister atqaryla beretini sózsiz.
.