Almatyda TJD «ÓS jáne AQJQ» memlekettik mekemesi Jedel qutqarý jasaǵynda jeke quram arasynda «Basty mindet - terorızmnen saqtaný» taqyrybynda semınar-sabaq ótkizildi, dep habarlaıdy aqshamnews.kz.
İs-sharanyń maqsaty: terorlyq qaýip-qaterden saqtaný jáne tártipsizdikter kezinde jeke quramdy durys áreket etýge baǵyttaý boıynsha sabaq júrgizý.
Atalǵan is-sharaǵa Densaýlyq saqtaý basqarmasynyń «Jumyldyrý jumystary jáne memlekettik qupıalardy qorǵaý» boıynsha bas mamany Erbol Álibaev pen QR TJM «Apattar medısınasy ortalyǵy» psıhologi Jazıra Dosaeva qatysty.
İs-sharanyń barysynda Jedel qutqarý jasaǵy basshysynyń orynbasary Meırambek Dospenbetov jeke quramǵa arnaıy shaqyrylǵan qonaqtardy tanystyrdy. Qutqarý bólimshesiniń bas qutqarýshy-psıholog Janar Begmanova jeke quramǵa «Basty mindet - terorızmnen saqtaný» taqyrybynda prezentasıa kórsetti.
Qalanyń Densaýlyq saqtaý basqarmasynyń «Jumyldyrý jumystary jáne memlekettik qupıalardy qorǵaý boıynsha bas mamany Erbol Álibaev óziniń tájirıbesimen bólise otyryp, dáris oqydy.
Jazıra Dosaeva «Meniń kóńil-kúıim» taqyrybynda psıhologıalyq trenıń júrgizdi. Trenıńtiń maqsaty: qatysýshylardyń psıhoemosıonaldy kóńil-kúılerin kóterý, óz-ózin retke keltirý, bir-birine ujymda senimdilik bildirý boldy.
Semınar-sabaqqa kelgen qatysýshylar mamandarǵa ózderiniń kókeıtesti suraqtaryn qoıyp, jaýap aldy.
İs-sharanyń sońynda bas qutqarýshy-psıholog Janar Begmanova jeke quram atynan qonaqtarǵa rızashylyǵyn bildirdi.