Bastaýysh synypqa arnalǵan akademıalyq pánderdiń mazmuny qaıta qaralyp jatyr.
Bul jaıynda Senat depýtattarynyń saýalyna berilgen QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy Almaty-akshamy.kz QazAqparatqa silteme jasap.
«Orta bilim berý mazmunyn eńbek naryǵynyń talaptaryna, pedagogıka jáne psıhologıa salasyndaǵy jańalyqtarǵa sáıkestendirý úshin Y.Altynsarın atyndaǵy Ulttyq bilim akademıasynyń bazasynda arnaıy jumys toby quryldy. Jumys toby bastaýysh synyp oqýshylarynyń psıhoemosıonaldyq jaǵdaıyn eskere otyryp, akademıalyq pánderdiń mazmunyn qaıta qaraý, joǵary synyp oqýshylaryn kásiptik baǵdarlaý, oqýshylardyń derbestigin, áleýmettik daǵdylary men shyǵarmashylyq qabiletterin damytý, ınklúzıvti bilim berýdiń qoljetimdiligin arttyrý máselelerin pysyqtaıdy», - dedi Eraly Toǵjanov.
Úkimet basshysynyń orynbasary jalpy elimizdiń rýhanı qundylyqtaryn saqtaý jáne olardy mektep baǵdarlamasy, ádebıet, buqaralyq aqparat quraldary arqyly dáripteý boıynsha júıeli jumys júrgizilip jatqanyn alǵa tartady.