Qyrkúıektiń 1-nen bastap 1-4-synyp oqýshylary tegin tamaqpen qamtylady, dep habarlaıdy Almaty-akshamy.kz.
Memleket basshysynyń tapsyrmasy boıynsha bıyl qyrkúıektiń 1-nen bastap az qamtylǵan otbasylardan shyqqan 1,5 mıllıonnan astam oqýshy, sondaı-aq áleýmettik mártebesine qaramastan bastaýysh synyp oqýshylary úshin tegin tamaqtandyrýdy uıymdastyrý josparlanýda.
Bul týraly QR Oqý-aǵartý mınıstrliginiń Balalardyń quqyqtaryn qorǵaý komıtetinde habarlaǵandaı, respýblıka boıynsha tegin tamaqtaný quny orta eseppen 577 teńgeni quraıdy, eń joǵary baǵa Almaty qalasynda 800 teńgeni quraıdy.
«Osyǵan deıingi jyldary 1-4 synyp oqýshylaryn tegin tamaqpen qamtý 56,6%-dy qurady. Bul Astana, Almaty jáne Shymkent qalalarynyń, Pavlodar, Batys Qazaqstan, Qaraǵandy, Ulytaý, Qyzylorda jáne Atyraý oblystarynyń oqýshylary. Memleket basshysynyń tapsyrmasyn oryndaý maqsatynda qalǵan óńirlerdiń oqýshylaryn tegin tamaqpen qamtamasyz etý boıynsha jumystar júrgizildi, osylaısha jańa oqý jylynan bastap 100% kórsetkishke qol jetkiziletin bolady», - dep bólisti Balalardyń quqyqtaryn qorǵaý komıtetiniń basqarma basshysy Dana Maqtaeva.
Aıta keteıik, búginde mınıstrlik mekteptegi tamaqtaný sapasyn arttyrý máselesin pysyqtap jatyr.