Qazaqstanda jyl saıyn jyljymaıtyn múlikke qatysty 400 myńǵa jýyq mámile jasalady.
«Otbasy banki» basqarmasynyń tóraǵasy Lázzat Ibragımovanyń aıtýynsha, qazir turǵyn úı baǵasy tómendeıdi dep kútýdiń qajeti joq, dep habarlaıdy aqshamnews.kz
Ibragımovanyń "ÝÁDE" baǵdarlamasyna bergen suhbatynda aıtqanyndaı, jyljymaıtyn múlik naryǵynda ınflásıa prosesteri saqtalyp otyr. Ol turǵyn úı baǵasyna azyq-túlik baǵasynyń qymbattaýymen tikeleı baılanysty ınflásıanyń jalpy deńgeıi aıtarlyqtaı áser etetinin atap ótti.
«Páter – avtokólik, saǵat nemese kostúm sıaqty taýar. Turǵyn úı naryǵy, kez kelgen basqa naryq sıaqty, suranys pen usynys zańdary boıynsha jumys isteıdi. Biz turaqtylyqty kórip otyrmyz, biraq bul baǵanyń tómendeıtinin bildirmeıdi. Qazaqstanda jyl saıyn jyljymaıtyn múlikke qatysty 400 myńǵa jýyq mámile jasalady jáne bul proseste naryqtyń eki segmenti mańyzdy ról atqarady: bastapqy, qurylys salýshylar jumys isteıtin jáne qaıtalama, jeke tulǵalar páter satyp alatyn jáne satatyn jaǵdaılar»,-dedi ol.
«Otbasy banki» basqarmasynyń tóraǵasy Qazaqstandaǵy jyljymaıtyn múlik naryǵy qubylyp ketpeıtinin taǵy atap ótti. Banktiń ishki esepteri turǵyn úıdiń turaqtylyǵy men qoljetimdiligin rastaıdy. Turǵyn úıdiń qoljetimdiligin baǵalaýǵa múmkindik beretin kórsetkishterdiń biri – qoljetimdilik ındeksi. Eger adam basqa qajettilikterge aqsha jumsamasa, qazirgi ýaqytta aýdany 50 sharshy metr bolatyn bir bólmeli páterdi satyp alý úshin orta eseppen bes jyldan az ýaqyt qajet ekenin kórsetedi.
«Búginde Qazaqstanda ortasha jalaqy deńgeıinde turǵyn úıdiń qoljetimdiligi naryqqa tolyq sáıkes keledi. Degenmen, biz ıpoteka ónimderiniń tapshylyǵyna tap boldyq. Turǵyn úı naryǵy halyqtyń kóp tobyna qoljetimdi bolýy úshin ıpotekalyq nesıeleýdi damytý qajet. Biraq joǵary bazalyq mólsherlememen jáne depozıtter boıynsha qolaıly sharttarmen adamdar depozıtterden 15% aqsha tabýdy jalǵastyrýda. Bul tómen stavkalar boıynsha ıpoteka usyný múmkindigin aıtarlyqtaı shekteıdi»,-dedi Lázzat Ibragımova.