Depozıtte jınaqtaý merzimi 3 jyldan 6 jylǵa deıin uzartyldy.
Birjolǵy zeınetaqy tólemderin paıdalaný qaǵıdalaryna ózgerister engizildi, - dep habarlaıdy Almaty-akshamy.kz
QR Ónerkásip jáne qurylys mınıstrligi 13 shildede Qazaqstan Respýblıkasy Indýstrıa jáne ınfraqurylymdyq damý mınıstriniń 2021 jylǵy 21 qańtardaǵy № 24 buıryǵymen bekitilgen Birjolǵy zeınetaqy tólemderin turǵyn-úı jaǵdaılaryn jaqsartý úshin paıdalaný qaǵıdalaryna ózgerister engizdi.
Engizilgen ózgeristerge sáıkes, turǵyn úı satyp alý maqsatynda buryn birjolǵy zeınetaqy tólemderimen tolyqtyrylǵan "Otbasy Bank" AQ depozıtterinde qarajatty jınaqtaý merzimi 3 jyldan 6 jylǵa deıin uzartyldy. Budan bólek, depozıtti erli-zaıyptylarǵa jáne (nemese) jaqyn týystaryna berý kózdelgen, - delingen habarlamada.
Bul rette mundaı salymdy úshinshi tulǵalarǵa odan ári berýge jol berilmeıdi. Buıryq resmı jarıalanǵannan keıin 10 kúntizbelik kún ótken soń kúshine enedi.