QR Aqparat jáne qoǵamdyq damý mınıstriniń orynbasary Kemelbek Oıshybaev baspa basylymdardy memleket tarapynan qoldaý sharalaryna qandaı ózgerister ázirlenip jatqanyn aıtty, dep habarlaıdy almaty-akshamy.kz QazAqparatqa silteme jasap..
«Baspa basylymdaryn memlekettik qoldaý da mańyzdy baǵyt bolyp qala beredi. Olardyń damýyn zańnamalyq deńgeıde bekitý qajet. Qalalarda eresek turǵyndardyń kópshiliginde gazetter men jýrnaldarǵa jazylý jáne oqý mádenıeti saqtalyp otyr. Sondaı-aq shalǵaı aýyldarda baspa basylymdary arqyly aqparat alý qajettiligi áli de bar. Sondyqtan mınıstrlik bul baǵytty basymdyqtardyń biri retinde qaldyrady. Osy baǵytta baspa basylymdaryn salyqtyń keıbir túrlerinen bosatý múmkindikterin jáne baspa qyzmetterin sýbsıdıalaý nusqalaryn zerdeleımiz», -dedi Kemelbek Oıshybaev.
Mınısrlik ókili baspa basylymdardy qoldaýbasqa elderdiń qalaı júrip jatqanyn muqıat zertteletinin eskertti.
«Sondaı-aq, otandyq merzimdi baspasóz basylymdary men jelilik basylymdardy qoldaý maqsatynda habarlama jasaý tártibimen esepke qoıýdy jáne qaıta esepke alýdy kózdeý usynylady. Zańnamalyq deńgeıde BUU usynymdaryna sáıkes taralymy 200 danadan kem merzimdi basylymdardy esepke qoıýdan bosatýdy usynamyz. Qazir bul norma 100 dana deńgeıinde bekitilgen. Sonymen qatar, bir mekemede taratylatyn jáne tek osy mekemeniń qyzmetin jarıalaýǵa baǵyttalǵan merzimdi basylymdardy (mysaly, JOO, zaýyt habarshylary jáne t.b.) esepke qoıýdan bosatý usynylady», - dedi Kemelbek Oıshybaev.