Kıevte qazaqstandyq jýrnalıst Aıdos Sadyqovqa qastandyq jasaldy, dep habarlaıdy almaty-akshamy.kz
Ýkraınalyq BAQ-tarda qazaqstandyq jýrnalıs Aıdos Sadyqovqa qastandyq jasalǵany týraly aqparat taralýda. «BAIRAKTAR NEWS» telegram arnasynyń málimetinshe, Sadyqovtyń jaǵdaıy aýyr.
«Aldyn ala boljam boıynsha, Kıevte Aıdos Sadyqovqa qastandyq jasaldy. Ol - qazaqstandyq jýrnalıs, «BASE» opozısıalyq ınternet portalynyń basshysy. Jaǵdaıy aýyr», - dep habarlaıdy telegram arna.
Buǵan deıin telegram arna Kıevtiń Shevchenskıı aýdanynda atys bolǵanyn jazǵan bolatyn. Basylymnyń málimetinshe, turaqta turǵan kólikte er adam áıelimen otyrǵan. Belgisiz bireý kelip, er adamdy atyp jiberip, qashyp ketken. Áıel adam jaraqat almaǵan.
Jýrnalıs Natalá Sadyqovanyń aıtýynsha, Aıdos Sadyqovqa úıiniń mańynda qastandyq jasalǵan.
Aıta keteıik, Aıdos Sadyqov Ýkraınada resmı bosqyn mártebesin alǵan. 2023 jyldyń qazan aıynda Sadyqovqa Qazaqstanda «áleýmettik, ulttyq, rýlyq, tektik-toptyq nemese dinı alaýyzdyqty qozdyrǵany» úshin izdeý jarıalanǵan bolatyn.