Nazar aýdarǵan jón
Búgin OSK-da Qazaqstan Respýblıkasy Parlamenti Senaty depýtattarynyń saılaý aldyndaǵy úgitin ótkizý kezinde respýblıkada COVID-19 koronavırýstyq ınfeksıasynyń, tumaýdyń jáne JRVI taralýynyń aldyn alý sharalary men epıdemıologıalyq jaǵdaı máseleler boıynsha otyrys ótti, dep habarlaıdy Almaty-akshamy.kz İnform.kz-ke silteme jasap.
«Respýblıkada koronavırýs boıynsha epıdemıologıalyq jaǵdaı turaqty. Epıdemıologıalyq jaǵdaıdy baǵalaý matrısasyna sáıkes respýblıka jáne barlyq óńirler jasyl aımaqta ornalasqan. Táýligine COVID-19 boıynsha PTR oń nátıjeli 300-ge deıin jaǵdaıy jáne PTR teris nátıjeli 40-qa deıin jaǵdaıy tirkeledi, naýqastardyń 99% saýyǵyp ketti», - dep habarlady otyrys barysynda QR Densaýlyq saqtaý vıse-mınıstri - bas memlekettik sanıtar dárigeri «Aıjan Esmaǵambetova.
«Sońǵy aptada ótken aptamen salystyrǵanda syrqattaný 3%-ǵa ósti», - dep atap ótti ol.
Sonymen qatar, onyń aıtýynsha, 12 óńirde (Astana, Almaty qalalary, Aqmola, Aqtóbe, SHQO, Abaı, BQO, Qaraǵandy, Ulytaý, Qostanaı, Qyzylorda, Mańǵystaý oblystary) R kórsetkishi birlikten joǵary, bul ınfeksıanyń taralýynyń óskenin kórsetedi.
Osyǵan baılanysty A.Esmaǵambetova R kórsetkishin 1-den joǵary tirkeý kezinde BMSDQ-ǵa sáıkes halyq kóp jınalatyn jerlerde betperde taǵý usynylatynyn eske saldy.
Qazirgi ýaqytta JRVI jáne tumaýdyń maýsymdyq ósimi baıqalady, osylaısha, ótken jyldyń osy kezeńimen salystyrǵanda syrqattaný 20% ósti.
Respýblıkadaǵy koronavırýstyq ınfeksıa boıynsha aǵymdaǵy jaǵdaıdy, sondaı-aq JRVI jáne tumaýmen syrqattaný boıynsha epıdemıologıalyq maýsymnyń barysyn eskere otyryp, saılaýaldy jarıa is-sharalar men saılaýshylarmen kezdesý ótkizý kezinde A. Esmaǵambetova mynadaı qaǵıdalardy ustanýdy usyndy:
1) halyqtyń toptalýyn boldyrmaý úshin keń úı-jaılardy paıdalaný;
2) úı-jaılarda jeldetý/aýany baptaý júıesiniń úzdiksiz jumys isteýi;
3) aýany jasandy jeldetý júıesi bolmaǵan jaǵdaıda is-shara bastalar aldynda úı-jaıdy jeldetýdi júrgizý;
4) saılaýshylarmen kezdesý ótkizý kezinde betperde rejımin saqtaý.