Eger buryn kásipkerlerge qatysty aı saıyn 150-ge jýyq qylmystyq is tirkelgen bolsa, qazir olardyń sany tórt esege azaıdy
2022 jylǵy 29 qyrkúıekte Bas prokýratýrada Prezıdent Ákimshiligi, Qaýipsizdik Keńesi, «Atameken» UKP, negizgi mınıstrlikter basshylarynyń, Parlament depýtattarynyń, quqyq qorǵaý jáne jergilikti atqarýshy organdar, bıznes jáne advokattyq qoǵamdastyq ókilderiniń qatysýymen Memleket basshysynyń kásipkerlerdiń problemalyq máselelerin sheshý boıynsha tapsyrmalaryn iske asyrý qorytyndylary talqylandy, dep habarlaıdy Almaty-akshamy.kz Bas prokýratýranyń baspasóz qyzmetine silteme jasap
İs-sharany ashqan Bas Prokýror Berik Asylov qazirgi jahandyq syn-qaterler memleket jáne kásipkerler úshin de jańa «oıyn erejelerin» talap etetinin aıtty. Sondyqtan ózara árekettesýdiń jańa deńgeıi qajet bolatynyna nazar aýdardy.
Bul eń aldymen, bıznesti zańsyz tekserýlerden jáne ákimshilik kedergilerdi qysqartýdan qorǵaýǵa, kásipkerlerdi qylmystyq sheńberge negizsiz tartý faktileriniń jolyn kesýge, sondaı-aq osy salalardy sıfrlandyrý men avtomattandyrýǵa qatysty.
Memleket basshysynyń tapsyrmalaryn oryndaý aıasynda tekserýlerdi 7 esege qysqartýǵa qol jetkizildi.
Tekserýler sýbektileri men obektileriniń biryńǵaı tizilimi (TSOBT) avtomattandyrylǵan júıe arqyly jyl saıyn myńdaǵan zańsyz tekserýlerdiń jolyn kesedi. Sońǵy bir jarym jylda 35 myń kásipkerge qatysty 1,5 mlrd teńgege ákimshilik aıyppuldar alyp tastaldy.
Bıznes ókilderi Bas Prokýrordyń a.j. 2 qyrkúıektegi qylmystyq qýdalaý organdarynyń atyna adal kásipkerlerdi qylmystyq proseske zańsyz tartýdan qorǵaıtyn tetikter men naqty erejeler jazylǵan nusqaýyn oń baǵalady.
Jańa talaptardy oryndaý qazirdiń ózinde oń nátıje kórsetti.
Jalpy, bıyl bıznes sýbektilerine qatysty zańsyz qozǵalǵan 400-den astam qylmystyq is toqtatyldy.
Sondaı-aq, qadaǵalaý organynda bıznestiń árdaıym zańnama talaptaryn saqtaı bermeıtini atap ótildi. Qarajatty zańsyz qolma-qol aqshaǵa aınaldyrý, salyqtan jaltarý, kapıtaldyń jylystaýy jalǵasyp keledi. Ásirese, úlestik qurylysta, eńbek quqyqtaryn jáne basqa da salalarda buzýshylyqtar kezdesedi.
«Bızneske qoldaý kórsete otyryp, memleket sizderdiń taraptaryńyzdan zańdardyń múltiksiz oryndalýyna senetinine erekshe nazar aýdarǵym keledi», - dedi Berık Asylov.
Óz kezeginde «Atameken» UKP Tóralqa tóraǵasy Raıymbek Batalov prokýratýra organdary qurylyp jatqan ekojúıeniń mańyzdy bóligi, al kásipkerler men negizgi mınıstrlikterdiń qadaǵalaý organy alańynda kezdesýi prokýratýra organdarynyń birlesken dıalogqa ashyq ekendiginiń taǵy bir dáleli ekenin jetkizdi.
Kásipkerlerdiń quqyqtaryn qorǵaý jónindegi ýákil Rýstam Júrsinov prokýratýra organdarymen tıimdi yntymaqtastyq týraly baıandady. Bıznes-ombýdsmen olardy sheshý úshin aýmaqtyq prokýrorlardy jumyldyrýdy qajet etetin kásipkerlerdiń birqatar problemalaryn ortaǵa saldy.
Prokýratýra organdary men baqylaýshy organdar jumysynyń jańa formaty týraly depýtattar men advokattar qoǵamdastyǵynyń ókilderi óz kózqarastaryn bildirdi.
Kezdesý sońynda bıznesti qorǵaý boıynsha 2023 jylǵa arnalǵan keshendi is-sharalar jospary qabyldandy.