Ekibastuzdaǵy jaǵdaı qaıtalanbaý úshin ýákiletti organdardyń aralasýy qajet.
Bas prokýratýra Qazaqstandaǵy jylý elektr stansıalaryn tekseretinderin aıtty, dep habarlaıdy Almaty-akshamy.kz
«Biz JES máseleleri boıynsha tekserý júrgizýdi josparlap otyrmyz, biraq qazir jylý berý kezeńi ekenin eskere otyryp, barlyq JEO-da tekserý júrgizý múmkin emes. Keıbir tekserýler osy JEO-nyń qalypty jumysyna kedergi keltirýi múmkin ekenin túsinemiz. Sondyqtan biz tekserý múmkindigi bar JES-terdi qamtıtyn bolamyz. Ekibastuzda oryn alǵan ister qaıtalanbaýy úshin, prokýratýranyń, ýákiletti organdardyń aralasýy qajet bolyp otyr. Qazirgi ýaqytta Rıdder qalasyndaǵy jylý elektr ortalyǵynyń jumysyna tekserý júrgizilip jatyr. Sonymen qatar, Ekibastuz qalasynyń jylý sharýashylyǵyna tekserý júrgizilip, nátıjesinde qylmystyq is qozǵaldy. Qalǵan JEO-lardy da mindetti túrde tekseretin bolamyz», - dedi Bas prokýrordyń orynbasary Jandos Ómirálıev.
Sondaı-aq, Bas prokýratýra ókilderinen Rıdderdegi jylý elektr ortalyǵynyń jumysyndaǵy zań buzýshylyqtar týraly suraldy.
«Rıdderdegi jaǵdaı boıynsha tekserýler jalǵasyp jatyr. Tótenshe jaǵdaılar, ónerkásiptik qaýipsizdik, JEO qalypty jumys isteýi úshin belgilengen basqa da talaptar boıynsha kóptegen zań buzýshylyqtar anyqtaldy. Sondaı-aq, sáıkestikke tekserý josparlanǵan. Investısıalyq tarıftermen, ınvestısıalyq somalar, búkil tarıf qaıda jumsaldy, basqa maqsattarda jumsalyp ketpedi me tekseremiz. Qazir bul tekserýlerdi Shyǵys Qazaqstan oblysynyń prokýrorlary júrgizip jatyr», - dep tolyqtyrdy ol.