Balalardyń turatyn jeri men aımaqta sanıtarlyq-epıdemıologıalyq normalardyń saqtalýyna nazar aýdarylady.
Almaty qalasynyń prokýratýrasy balalar lagerin uıymdastyrý kezinde kámeletke tolmaǵandardy tárbıeleý jónindegi ókilettikterdi teris paıdalaný jáne mindetterdi oryndamaý faktileri boıynsha sotqa deıingi tergep-tekserýdi bastady, dep habarlaıdy Almaty-akshamy.kz.
Bul jaıynda Bas prokýratýranyń baspasóz qyzmeti málimdedi.
Oqý-aǵartý mınıstrliginiń málimetinshe, búginde elimizde 848 lager jumys isteıdi, onyń ishinde 118 – memlekettik, 100 – jekemenshik, 630 – shatyrly demalys ornyn uıymdastyrýshylarǵa tıesili. Sondaı-aq, maýsym aıynda 10216 mektep janyndaǵy lager jumys jasady.
Jazda balalardyń quqyqtarynyń yqtımal buzylýyn eskere otyryp, Bas Prokýrordyń tapsyrmasy boıynsha aýmaqtyq prokýrorlar ýákiletti organdarmen birlesip memlekettik, jeke jáne shatyrly lagerlerdiń qyzmetin tekserýge kiristi.
Shara barysynda balalardyń turatyn jeri, aımaqta sanıtarlyq-epıdemıologıalyq normalardyń saqtalýy, órt qaýipsizdigi, tamaq jáne medısınalyq kómekpen qamtamasyz etý jaǵdaıy tekseriledi.
Bıyl balalardyń jazǵy demalysyn uıymdastyrý boıynsha qyzmetterdi satyp alý kezinde zańdylyqty saqtaý máseleleri zerttelýde.
Eske salaıyq, ótken aptada «Halyqtyń áleýmettik jaǵynan osal toptary» sanatyndaǵy almatylyq mektep oqýshylary balalar lagerine tegin joldama alǵan. Alaıda olar Uzynaǵash aýyl mańyndaǵy saýna ǵımaratyna ornalastyrylǵany jazylǵan bolatyn.