Naýryzbaı qajy sharıǵatta vaksına salýǵa tyıym salynbaǵanyn atap ótip, búkil halyqty ımmýndaý naýqanyna qatysýǵa shaqyrdy.
Qazaqstan musylmandary dinı basqarmasynyń tóraǵasy qazaqstandyq QazVac ekpesiniń birinshi komponentin aldy dep habarlaıdy Almaty-akshamy.kz Habar 24 telearnasyna silteme jasap.
Naýryzbaı qajynyń aıtýynsha, koronavırýsty tek ekpe salǵyzý arqyly jeńip, burynǵy ómir súrý qalpyna oralýǵa bolady.
«Aýyryp em izdegenshe, aýyrmaıtyn jol izde» deıdi. Jalpy ıslam sharıǵatynda zárý jaǵdaıda ekpe saldyrýǵa ruqsat etedi. Alla Taǵala Quranda aıtady: «Óz qolyńyzben óz densaýlyǵyńyzǵa qıanat jasamańyzdar». Paıǵambarymyzdyń hadısi bar. «Árbir dertti Alla taǵala onyń shıpasymen qosa jaratqan» deıdi ol. İndettiń aldyn alý úshin densaýlyq saqtaý mamandary ekpe jasatý kerek dep jatyr. Men de ózimizdiń amandyǵymyz úshin, eldiń amandyǵy úshin Allanyń qalaýymen ekpe aldym», - deıdi Naýryzbaı qajy Taǵanuly.