Bul reıtıńte memleketterdiń qaıta óńdeletin energıa, ınovasıa men jasyl qarjylandyrýǵa ınvestısıa salýy basty nazarǵa alynady.

Qazaqstan álemdik The Green Future Index reıtıńinde 76 eldiń ishinde 33-orynǵa shyqty, dep habarlaıdy Almaty-akshamy.kz QR Ekologıa, geologıa jáne tabıǵı resýrstar mınıstrliginiń baspasóz qyzmetine silteme jasap.

Zertteý nátıjesi Massachýsets tehnologıalyq ınstıtýtynyń klımattyń ózgerýi problemalaryna baǵyttalǵan MIT Technology Review portalynda jarıalandy.

Atalǵan reıtıńte jetekshi elderdiń kómirteksiz keleshekti qalyptastyrýdaǵy progresi, ekonomıkanyń - energetıka, aýyl sharýashylyǵy, ındýstrıa, áleýmettik salalarynyń jasyl tehnologıaǵa kóshýi esepke alynady. Iaǵnı, memleketterdiń qaıta óńdeletin energıa, ınovasıa men jasyl qarjylandyrýǵa ınvestısıa salýy basty nazarǵa alynady.

Kórsetilgen kestede zerttelgen ekonomıka salalarynyń bir-birine qatynasy kórsetilip, kómirtek shyǵaryndylary, Jasyl qoǵam, energetıkalyq aýysý, Taza ınovasıalar jáne klımat salasyndaǵy saıasat baǵyttary boıynsha ortaq baǵa shyǵarylǵan. Qazaqstan 4,9 bal alyp, 2030 jylǵa qaraı jańartylatyn energıa kózderinen elektr qýatyn óndirý úlesin 30%-ǵa jetkizý kózdelip otyrǵany atap ótilgen.

Alǵashqy bestikke Islandıa, Danıa, Norvegıa, Fransıa memleketteri jaıǵassa, sońǵy oryndarda Aljır, Reseı, Iran, Paragvaı, Katar memleketteri tur.