Bul týraly ol Qurban aıt merekesin qorytyndylaý jıynynda málimdedi.
Mal soıýǵa arnalǵan arnaıy oryndar QMDB ókildikterine qaraıdy. Ortaq jobany osy jyldyń sońyna deıin ázirleý josparlanyp otyr, dep habarlaıdy Almaty-akshamy.kz.
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly iri qalalarda qasaphana salý jóninde bastama kóterdi.
«Qurmetti bas ımamdar! Biz osymen toqtap qalmaı, jumysymyzdy odan ári jetildirýimiz kerek. Aldaǵy Qurban aıt merekelerinde mal soıý jaǵynan qıyndyqtar týyndamaýy úshin QMDB ókildikterine qarasty qasaphanalar bolýy kerek degen sheshimge keldim», - dedi Bas múftı.
QMDB tóraǵasy 2022 jyldyń sońyna deıin ár qalada jańadan salynatyn qasaphanaǵa arnalǵan jer máselesin sheshýdi jáne «Ýaqyp qory» men «Halal damý» mekemelerine elimiz boıynsha halal standarttaryna saı keletin qasaphananyń ortaq jobasyn daıyndap shyǵýdy tapsyrdy.