Qolǵa túsken esirtki zattarynyń «qara naryqtaǵy» quny jarty mıllıard teńgeden asady.
UQK mamandary Almatydaǵy jasyryn iri esirtki zerthanasyn joıdy, dep habarlaıdy Almaty-akshamy.kz.
«Operasıa barysynda «Álfa-PVP» sıntetıkalyq esirtkisin qoldan jasaý jáne ınternet-resýrs arqyly Almaty qalasy jáne elimizdiń basqa da óńirlerine satýdy uıymdastyrǵan 2 azamat ustaldy. Qabyldanǵan sharalardyń nátıjesinde, 2022 jylǵy 29 maýsymda Almaty qalasy men qala mańaıynda shamamen 16 keli «Álfa-PVP», krıstaldaný satysyndaǵy 15 keli esirtki, 5 tonnadan astam prekýrsorlar men zerthanalyq jabdyqtar tárkilendi», - delingen UQK baspasóz qyzmetiniń habarlamasynda.
Fakt boıynsha UQK Almaty qalasy boıynsha departamenti sotaldy tergeý materıaldaryn QR QK-nyń 297-baby 3-tarmaǵy boıynsha SDTBT-ǵa tirkegen.