Qasıetti Ramazan aıynyń bastalýyna sanaýly kúnder qaldy.
Bas múftı oraza kezinde azyq-túlik baǵasyn 10 paıyzǵa deıin tómendetýge shaqyrdy, dep habarlaıdy Almaty-akshamy.kz.
«Bıyl pitir mólsheri 535 teńge bolyp belgilendi. Pitir sadaqanyń mólsheri elimiz boıynsha 2 keli unnyń ortasha baǵasymen esepteldi. Al unnyń baǵasy QMDB-nyń qala jáne oblys ókildikteriniń bergen málimeti negizinde anyqtaldy. Pitir sadaqasyn qurma, meıiz baǵasymen de berýge bolady», – dedi bas múftı.
2023 jyly Ramazan aıy 23 naýryzda bastalady. Sáýir aıynyń 17-sinen 18-ine qaraǵan tún – qasıetti Qadir túni. 21 sáýir – Oraza aıt merekesi.
Bas múftı Ortalyq Azıa elderiniń múftılerimen, ondaǵy pátýa salasyna jaýapty ǵalymdarmen aqyldasa kele jáne ǵylymı zertteýler nátıjesi eskerilip, ortaq sheshim qabyldanǵanyn habarlady.
«Osy rette kásipker azamattardy, saýda ortalyqtarynyń basshylaryn qasıetti aıdyń qurmeti úshin halqymyzdyń turmys jaǵdaıyn eskerip, áleýmettik mańyzy bar taýarlar men azyq-túlik baǵasyn múmkindiginshe 10 paıyzǵa deıin tómendetip, jeńildik jasaýǵa úndeımin. Barsha qaýymǵa qasıetti Ramazan aıynda araq-sharap ishilmese jáne dúkenderde satylmasa, múmkindiginshe qudaıy astar keshki aýyzashar ýaqytynda ótkizilse degen tilegimdi jetkizemin», – dedi Naýryzbaı qajy Taǵanuly.