Tonalǵan jábirlenýshi qylmys týraly polısıaǵa habarlaǵan.
Onyń aıtýynsha, keshkisin úıine qaıtyp kele jatqan kezde Altynsarın kóshesi men Abaı dańǵylynyń qıylysynda belgisiz eki jigit ony uryp, onyń qolynan IPhone telefonyn tartyp alǵan, dep habarlaıdy Almaty-akshamy.kz İİM-ge silteme jasap.
Keltirilgen shyǵyn kólemi 400 myń teńgeni qurady. Kúdiktiler qamaýǵa alyndy.
«Polısıaǵa jetkizilgen kúdiktiler – 2002 jyly týǵandar. Jaýap alyp, bettestirgennen keıin jigitter óz kinálaryn moıyndady. Aıǵaqty zat retinde telefon tárkilenip, ıesine qaıtaryldy. Ustalǵandar ýaqytsha ustaý ızolátoryna qamaldy. Atalǵan derek boıynsha QR QK-niń 191-baby 3-bóligine sáıkes, qylmystyq is tirkeldi. Kúdiktilerdiń qalanyń basqa aýdandarynda buryn jasalǵan osyǵan uqsas qylmystarǵa qatysy bar-joǵy anyqtalyp jatyr», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Tergeý barysynda kúdiktilerdiń eki tonaýǵa qatysy bar ekeni anyqtaldy. Qylmystyq istiń basqa da málimetteri QR QPK-niń 201-baby jáne QR Konstıtýsıasynyń normasyna sáıkes jarıa etýge jatpaıdy.