Kezdesýde óńir basshysy Qanat Aldabergenuly Bas múftıge oblys turǵyndarynyń ystyq yqylasy men sálemin jetkizdi.
QMDB baspasóz qyzmetiniń málimetinshe, bas múftı Almaty oblysynyń ákimimen kezdesti, dep habarlaıdy Almaty-akshamy.kz
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty oblysynyń ákimi Qanat Bozymbaevpen kezdesti.
«Álemde dinı alaýyzdyq órshigen qazirgideı kúrdeli kezeńde el ishinde júrgiziletin aǵartýshylyq jumystardyń mazmuny jáne sapasy únemi nazarda bolýy kerek. Jastarymyzdy ımandylyqqa, adamgershilikke shaqyryp, olarǵa bilim men ǵylymǵa qushtarlyq, Otanǵa degen súıispenshilik qasıetterin dáripteýimiz qajet. Imamdar men din qyzmetshileri osy jaýapty mindetti oıdaǵydaı atqaratynyna senemin», - dedi oblys ákimi.
Bas múftı Naýryzbaı qajy Taǵanuly óz sózinde qańtar qasireti barshamyzǵa qoǵamdaǵy tynyshtyq bárinen de bıik qundylyq ekenin sezindirgenin atap ótti.
«Bizdiń qoǵam aldyndaǵy basty mindetimiz – musylman qaýymynyń birligin nyǵaıtý, búlik pen jalǵan dinı urandarǵa jol bermeý. Osy baǵytta jyl basynda bıylǵy 2022 jyldy «Islam – yntymaq pen birlik dini» jyly dep jarıaladyq. Osy ataýly jyl aıasynda kóptegen ıgi sharalar ótkizýdi josparlap otyrmyz. Alla qalasa, búgingi Taldyqorǵannyń tórinde ótkeli jatqan «Islam – yntymaq pen birlik dini» respýblıkalyq konferensıasy osy bastamamyzǵa serpin beredi degen oıdamyz. Alla jıynymyzdy berekeli etkeı!» - dedi QMDB Tóraǵasy.
Basqosý sońynda taraptar din men dástúr sabaqtastyǵy, asyl dinimizdiń bedelin bıiktetý baǵytynda birqatar birlesken ıgi jobalardy júzege asyrýǵa kelisti.